خۆکۆژی سێ شارۆمەندی کورد لە سەقز، ئیلام و کرماشان



ئاسۆی رۆژهەڵات/ لە ماوەی کەمتر لە دوو حەفتەدا سێ هاووڵاتیی کورد، خەڵکی شارەکانی سەقز، ئیلام و کرماشان لە کوردستانی رۆژهەڵات بە کۆتاییان بە ژیانی خۆیان هێناوە.
بە پێی زانیارییەکان رۆژی چوارشەممە، ١٤٠١/٥/١٠، شارۆمەندێک بە ناوی '' عیسا شەهابی '' تەمەن ٥٦ ساڵ، خەڵکی ئاوایی '' گیەڵان '' سەر بە پارێزگای کرماشان، بە هۆی کێشەی کۆمەڵایەتییەوە لە ماڵەکەی خۆی هەڵواسیوە و کۆتایی بە ژیانی خۆی هێناوە.
هەروەها رۆژی یەکشەممە، ١٤٠١/٥/٢٣، لە شاری سەقز لاوێکی تەمەن ٢٣ ساڵ، بە ناوی '' فەردین نووری '' دانیشتووی گەڕەکی حاجی ئاوای ئەو شارە، لە رێگەی خۆسووتاندنەوە کۆتایی بە ژیانی خۆی هێنا. تاوەکوو ئێستا هۆکاری خۆکووشتنی ئەم لاوە نادیارە.
جێگای ئاماژەیە کە رۆژی سێشەممە، ١٤٠١/٥/٢٤، لە ئاوایی '' دەڕەشار '' سەر بە پارێزگای ئیلام لاوێک بە ناوی '' ئەمیر حوسێن پەناهی ''  تەمەن ٢١ ساڵ، لە رێگەی خواردنی دەرمان دەستی دایە خۆکۆژی و کۆتایی بە ژیانی خۆی هێنا، هۆکاری خۆکووشتنی ئەم لاو تاوەکوو ئێستا نادیارە.








PM:01:19:17/08/2022




ئه‌م بابه‌ته 95 جار خوێنراوه‌ته‌وه‌‌