دوناڵد ترامپ: ئێران خەریکی تاڵانکردنێکە کە ساڵی پێشوو توانایی ئەوەی نەبوو




دوناڵد ترامپ، سەرۆک کۆماری پێشووی ئەمریکا بە ڕەخنە گرتن لە سیاسەتەکانی دەوڵەتی بایدن لە گۆڕەپانی نێونەتەوەیی وتی: ((ڕووسیە، چین، ئێران خەریکی تاڵانکردنێکن کە ساڵی پێشوو توانایی ئەوەیان نەبوو)).

ترامپ ڕۆژی شەممە لە کۆبوونەوە لەگەڵ لایەنگەرانی خۆی لە ئاریزۆنا وتی ئێران، چین و ڕووسیە وڵاتی ئەمریکا جددی ناگرن.

سەرۆک کۆماری پێشووی ئەمریکا هەروەها زیادی کرد ئەم سێ وڵاتە خەریکی تاڵانکردن و هەنگاو دەنێن بۆ ورووژاندنی ئەمریکا کە لە یەک ساڵی پێشووتر توانای ئەم کارەیان نەبوو.

ترامپ هەروەها ڕەخنەی لە دەولەتی بایدن بۆ پرسی ئۆکراین و ڕووسیە گرت.

ڕەخنەکانی ترامپ بە سیاسەتی بایدن لە ئاستی ئێران لە حاڵێکدایە کە لەم ماوەی چەند ڕۆژی ڕابردوو تۆڕە کۆمەڵایەتییەکانی علی خامنەای، ڕێبەری کۆماری ئیسلامی، باس لە تۆڵەی سەخت و هەڕەشە لە ترامپ و بەرپرسانی دەوڵەتی ترامپ بڵاوی کردەوە.

دوای ڕەخنەیەکی زۆر کە لە لایەن بەرپرسانی سیاسی ئەمریکا بۆ نەبەستنی تۆڕی کۆمەڵایەتی کە بە ئاشکرا هەڕەشە دەکات، کۆمپانیای تویتر ئێکانتی خامنەای بۆ هەمیشە بەست.




AM:10:13:17/01/2022




ئه‌م بابه‌ته 217 جار خوێنراوه‌ته‌وه‌‌