خۆکوژی سێ هاووڵاتی لە ورمێ، داڵاهۆ و جوانڕۆ

خۆکوژی سێ هاووڵاتی لە ورمێ، داڵاهۆ و جوانڕۆ
خۆکوژی سێ هاووڵاتی لە ورمێ، داڵاهۆ و جوانڕۆ 

ئاسۆی رۆژهەڵات/ لە ماوەی چەند رۆژی رابردوو دا سێ هاووڵاتی خەڵکی شارەکانی ورمێ، داڵاهۆ و جوانڕۆ بە هۆی کێشەی بنەماڵەیی و ئابووری کۆتاییان بە ژیانی خۆیان هێناوە.
بە پێی زانیارییەکان رۆژی شەممە، ١٤٠١/٥/٨، لاوێک بە ناو '' عەدنان محەممەدی'' خەڵکی سەلاسی باوەجانی کە دانیشتووی شاری جوانڕۆیە بە هۆکاری نادیار لە رێگەی هەڵواسینەوە کۆتایی بە ژیانی خۆی هێنا.
هەروەها جێگای ئاماژەیە کە رۆژی دووشەممە، ١٤٠١/٥/١٠، مێرمنداڵێک بە ناوی '' سیروان دووستی '' تەمەن ١٧ ساڵ، خەڵکی ئاوایی '' توتشامی'' سەر بە شاری داڵاهۆ بە هۆی کێشەی بنەماڵەییەوە بە بەکارهێنانی چەک کۆتایی بە ژیانی خۆی هێناوە.
جێگای ئاماژەیە کە رۆژی سێشەممە، ١٤٠١/٥/١١، هاووڵاتییەک بە ناوی '' محەممەد جانعەلی پوور''، تەمەن ٨٠ ساڵ، خەڵکی ئاوایی چاوڕەش سەر بە پارێزگای ورمێ بە هۆی کێشەی بنەماڵەییەوە کۆتایی بە ژیانی خۆی هێنا.
بە پێی هەواڵەکان ناوبرا باوەگەورەی لاوێکی تەمەن ١٣ ساڵ بە ناوی '' مەتین مستەفایی''یە کە دوو حەفتە پێش کۆتایی بە ژیانی خۆی هێنا.
رێژەی خۆکوشتن لە کۆردستانی رۆژهەڵات لە ماوەی چەند مانگی رابردوو دا بە هۆی داڕمانی ئابووری و کێشەی کۆمەڵایەتی زیادی کردووە.







ئه‌م بابه‌ته 97 جار خوێنراوه‌ته‌وه‌‌


AM:10:00:04/08/2022