وەڤدێکی HAK PAR (هاک-پار) سەردانی کۆمەڵەیان کرد

وەڤدێکی HAK PAR (هاک-پار) سەردانی کۆمەڵەیان کرد



رۆژی دوشەممە رێکەوتی ٩ ژانویەی ساڵی ٢٠٢٢ زایینی شاندێکی باڵای پارتی ماف و ئازادییەکان (هاک-پار ) بە سەرپەرەشتی بەڕێز" لەتیف ئێپۆزدێمیر" سەرۆکی گشتیی پارتی ماف و ئازادییەکان
- HAK PAR -سەردانی دەفتەری نوێنەرایەتی کۆمەڵەیان لە شاری هەولێر کرد و لە لایەن وەفدێکی رێبەری کۆمەڵە بە سەرپەرەشتی هاوڕێ عەبدوڵڵا ئازەربار ئەندامی دەفتەری سیاسی پێشوازییان لێکرا.

دیدارەکە چەند تەوەری لە خۆگرتبوو، وێڕای هێنانە بەر باسی بارودۆخی ئێران و تورکیە، باسێکی تێر و تەسەل لەسەر بارودۆخی کوردان لە هەر یەک لەو وڵاتانە کرا و جەخت لەسەر هاوپەیوەندی و یەکگوتاری هەر چی زیاتری لایەنە سیاسییە کوردییەکان کرا لە سەر پرسی کورد لە هەموو پارچەکانی کوردستان.


لە کۆتایی دیدارەکەدا هەر دو لایەن جەختیان لە سەر بەربڵاوتر بوون و درێژەپێدانی پەیوەندییە لەمێژینەکەی نێوان کۆمەڵە و هاک پار کردەوە.





ئه‌م بابه‌ته 317 جار خوێنراوه‌ته‌وه‌‌


AM:09:00:10/01/2022