موختار ئەحمەی

کاتێک ئومید و خۆزگەکان جێگای خۆیان بە نائۆمێدی و داروخانی فیکری و سیاسی بدەن. سایکۆلۆژیان بەهۆی تێپەڕبوونی زەمەن تووشی قەیران و لێکترازانی هزری دەبێتەوە، دەبێتە خوڵقێنەری مرۆڤی پاسیڤ، خۆ بەزلزان، نامەنتقی و حاشا لە بوونی راستیە حاشاهەڵنەگرەکان لەباری سیاسی، کۆمەڵایەتی و کلتووری.

مرۆڤ بە پێی گەشەی بیرکردنەوە، قەبوڵکردنی رێئالیزم و هەوڵی بێ وچانی گەیشتوەتە ئەم زەمەنە لە زانست، سیاسەتو ئابووری و تەکنۆلۆژیای پێشکەوتو.

سیاسەت و برهەمە سیاسیەکان کە هەمانا ئامانجی هەر شۆڕشێکی ئازادیخوازانەیە بەهۆی هەبوونی لەمپەرەکان کە لوتکەکەی لەپاڵ هزرو بیری پاوانخوازانە دەسەڵاتێکی رەهاو بەدوور لە ئازادی رادربڕین و دیکتاتۆریە.

بەئامانج کردنی زۆرینەی بۆچوونە قەبوڵکراوەکانی حیزب لەلایەن کۆمەڵگاوە بەهەمو پیرۆزیەکانی لەلایەن کەمینەیەکی چەند کەسی خۆ بە مارکس و ئێنگلس زان کە هیچ ڕاڤەیەکیان لە قسەی بیرمەندانی چەپ و شۆڕشگێڕی ناسراوی وەک مارکس و ئینگلس و لنین و ئەم سەردەو پێشتریش نییە کە هەمانا (تحلیل مشخص از اوضاع مشخص)ە دوورن و ئەو دوری و نەبوونی کۆنتاکتە لەگەڵ کۆمەڵگا و ناسینی توێژە جیاوازەکان و ئەو گۆڕانکاریانە لەماوی زیاتر لە چوار دەهەی رابردو هاتوەتە ئاراوە وایکردووە کە تووشی داروخانی فکری و سیاسی بن و وەک کەو لەترسی راوچی سەر خۆی لەناو بەفر بنێت.

لە پاش زاڵبوونی بیری کۆمۆنیزمی کرێکاری و جیایی لە کۆمەڵە رەوت و باڵەکانی ئەم رەوتە هەمو پۆتانسێڵی خۆیان لە پێناو دژایەتی کۆمەڵەو ئەحزابی بەناو ناسیۆنالیزم خستەگەڕ و دوژمنە هاوبشەکەمان کە رژیمی ئیسلامیە لەبیر کرد.

وایشیان دەزانی کۆشکی پڕ لە ستەمی تاران وەک دروشمەکەی خومەینی رێگای قۆدس لە کەربەلاوە دەگوزەرێ رێگای روخانی رژیمیش بەنەمانی ناسیۆنالیزم و کۆمەڵەی شۆڕشگێڕ تێپەڕ دەبێت.

لە دونیای دیمۆکراسیدا شەڕی گوفتمان و دیسکۆرسە جیاوازەکان شتێکی ڕەوایەو و لە پێناسەو شناسەکانی دیمۆکراسی مۆدێڕنە کە دەکرێ بە گرتنی سیمینار و پڕۆگرامی جیاواز هەرکەسەو هەرلایەنەی فیکری باس لە حەقانییەت بوونی گوفتمانی خۆی بکات.

باس لە رێگا چارەو خەتی سیاسی و رەوایی خۆی بکات.

بەڵام لە کوردستان و تەنانەت ئەوبەشەیان وا نیشتەجێی ئوروپاو ئامریکاو باقی وڵاتانی سەرمایەداری مۆدێڕنن بەو گەشە سیاسیە نەگەیشتوون کە بە چاوێکی کراوە سەیری رەوتی گەشەی سیاسی،ئابووری و کۆمەڵایەتی جیهانی مۆدێڕن بکەن کە چۆن و بە چ شێوەو مۆدێلێکی سیاسی و حیزبی گەیشتوون بەم ئاستە لە گەشەو پێشکەوتن کە دەیانبینین.

ئەم ڕەوتە سیاسیانەی کە بوونەتە حیزبی مەجازی و دوور لە واقێعگەرایی سەردەمدژایەتیەکەیان وەک خەتی سیاسیان ناگاتە مەنزڵ و هیچ پێگەیەکی لەناو جەماوەری کوردستاندا نییە و تەنیا لە تۆڕی مەجازی وسمارت فۆنەکانی خۆیان قەتیس دەمێنێتەوەو قەزاوەتیش هەڵبگرین بۆ مێژوو و داهاتو.

ئه‌م بابه‌ته 510 جار خوێنراوه‌ته‌وه‌‌