ئاسۆی
رۆژهەڵات/ ئەمڕۆ شەممە رێکەوتی ١١ی خەرمانانی ١٤٠٢ی هەتاوی، هاووڵاتییەک بە ناوی
"لەیلا قەڵووزی" تەمەن ٤٠ساڵ، خەڵکی کامیاران، بانگ کرایە ئیدارەی
ئیتلاعاتی ئەو شارە و دواتر دەستبەسەر کرا.
شایانی
باسە کە ناوبراو بە تۆمەتی "پڕوپاگەندا دژی کۆماری ئیسلامی، بێ رێزی بە
رێبەری کۆماری ئیسلامی و پڕوپاگەندا و هان دانی خەڵک بۆ یەکێک لە حیزبە کوردییەکان"
بۆ دادگای کامیاران گواسترایەوە و دوای تەواو بوونی دادوەرییەکەی بۆ زیندانی سنە
گواسترایەوە.
جێگای
ئاماژەیە کە ناوبراو پێشتر لەگەڵ منداڵەکەی بە ناوی "داتام هشادەست" لەلایەن
هێزە ئەمنییەکانەوە دەستبەسەر کرابوو و دواتر بە دانانی بارمتە ٣٠٠میلیۆن تمەنی بە
شێوەی کاتی ئازاد کرابوون.
لەیلا
قەڵووزی خێزاندار و دایکی سێ منداڵە.
ئه‌م بابه‌ته 168
جار خوێنراوه‌ته‌وه