ئاسۆی رۆژهەلات/ رۆژی هەینی رێکەوتی ٢٩ی گوڵانی ١٤٠٢ی
هەتاوی، لانیکەم ٧ زیندانی لە زیندانی قزلحەساری کەرەج بە مەبەستی جێبەجێ کردنی سزای
سێدارە بۆ ژووری تاکەکەسی گواسترانەوە، تۆمەتی ئەم ٧ کەسە پەیوەندی لەگەڵ مادە
هۆشبەرەکان بووە.
شایانی باسە کە رێکخراوی مافی مرۆڤی ئێران رایگەیاند کە
سەرلەبەیانی هەینی، هاوکات لەگەڵ لەسێدارەدانی ساڵح میرهاشمی، مەجید کازمی و سەعید
یەعقووبی، تاوانبارانی دۆسیەی "خانە اصفهان" لانیکەم چوار زیندانی دیکە هەروەها
لە زیندانی دەستگردی ئەسفەهان لەسێدارە دراون، بەم جۆرە هەژماری لەسێدارە دراوانی
ئەمڕۆ هەینی لە زیندانی ئەسفەهان گەیشتە ٧ کەس.
سەرلەبەیانی پێنجشەممە هەروەها سزای سێدارەی دوو زیندانی
لە زیندانی کرمان و چووار زیندانی لە زیندانەکانی لاکان، رەشت و سنە جێبەجێ کرا. چەند
سەرچاوەیەکی دیکە لە سێدارەدانی هاوکات ١٤ کەس لە زیندانە جۆراوجۆرەکانی ئێران لەم
رۆژەدا خەبەریان دا. تۆمەتی ئەم کەسانە لە پەیوەندی لەگەڵ مادە هۆشبەرەکان و کوشتنی
بە ئەنقەست راگەیندراوە.
ئه‌م بابه‌ته 63
جار خوێنراوه‌ته‌وه