گوڵی سووری نەورۆزی ئەم ساڵ جەرگی داگیركەری بڕی

ئارام بوداغی 

ڕێوڕەسمەكانی نەورۆزی ئەمساڵ له كوردستانی ڕۆژهەڵات سەڕەڕای هەڕەشە و گوڕەشەی دامودەزگای ڕژیمی داگیركەری ئیسلامی به هەوڵ و هیمەتی خەڵكی تێكۆشەر و ژنان و پیاوان و لاوانی نەترس سەركەوتووانه بەڕێوەچوو و ئاگری نەورۆز هەڵكرا. ڕژیمی ئیسلامی دوای ئەوەی بۆی دەركەوت لە ڕێگای هەڕەشه و زەبروزەنگەوه ناتوانێ پێش به خەڵكی تێكۆشەر و هەڵسووڕاوانی مەدەنی بگڕێ، هەوڵیدا به شێوەی جۆڕاوجۆر ڕێوڕەسمەكان بە ئاڕاستەیەكی دیكەدا بەڕێ و پێش به هەستی ئازادیخوازی و سەما و سڕوودەكانی نەورۆز و شادی و خۆشی گەلی كورد له ڕۆژهەڵات بگڕێ. 
ڕژیمی ئیسلامی پێی خۆشه ساڵدەری دوازدەی مانگ هەر سێ پارچەكەی دیكەی كوردستان له ئاگری شەڕدا بسووتێن تاكوو خەڵكی ڕۆژهەڵاتی پێوه بخافڵێنێ و له هەستی برینداری گەلی كورد له ڕۆژهەڵات به خراپ كەڵك وەرگڕێ. ڕژیمی ئیسلامی هەمیشه هەوڵی داوه بۆ قۆستنەوەی ئەم هەڵانه و ڕشتنی فرمێسكی درۆیینه و جاروباڕەش تا ڕادەیەك لا بۆ خەڵكی ڕۆژهەڵات شل بكا تا بێنه دەر و دوو قسه به ڕژیمی توركیه بڵێن. بەڵام له بنەڕەتدا دژی هەر جۆره داواكارییەكی هەر ئەم خەڵكەی ڕۆژهەڵاته بۆ مافی ڕەوای خۆیان. ئاخر هەر ئەم ڕژیمەی كه هەوڵیدا ڕێوڕەسمەكانی نەورۆز به ئاڕاستەی شیوەن بۆ عەفریندا بەڕێ، پاڕەكه لەگەڵ هەر ئەم ڕژیمەی توركیه و عێڕاق پلانی گرتنەوەی كەركووك و گەرمیانی كوردستانی باشووریان داڕشت و پاییزی پار به بەشداری و پشتیوانیی مەیدانی و ڕاستەوخۆی ڕژیمی ئیسلامی ئێران و سپای قودس كەركووك و گەرمیان داگیر كرایەوه. دەبێ ئەوەمان لە بیر نەچێ ئەگەر بەڕاست ڕژیمی ئێران ئەوەندە دڵی بۆ كۆبانی و عەفرین دەسووتێ بۆچی سپای قودس هاوشانی حەشدی شیعە و سپای عێراق كەركووك و خانەقین و توزخورماتوویان داگیر كردەوه؟ له ڕاستیدا پیلانگێڕیی ئێران پێشی به سەربەخۆیی كوردی باشوور گرت دەنا عبادی و عێڕاق دەڕەقەتی كورد نەدەهاتن.  
خەڵكی ڕۆژهەڵات به شێوەیەك دەتوانن بێن بۆ كۆبانی و عەفرین و... شیوەن بكەن بەڵام ناتوانن بێنه شەقامەكان بڵێن ئەڕێ تا كەی كوڕان و كچانی ئێمه دەگرن و بێ سەروشوێنیان دەكەن و به نهێنی دەیانكوژن؟ ناتوانن بڵێن تاكەی لاوانی كورد له سێداره دەدەن؟ ناتوانن بڵێن تا كەی خوێنی كۆڵبەرانی سەر سنوور به دەستانی خوێناوی هێزی داگیركەری ڕژیم بڕژێ؟ هەر ئەم خەڵكەی ڕۆژهەڵات هەقیان نییه بڵێن بۆ كان و كانزاكانی ڕۆژهەڵات تاڵان دەكەن و خۆشمان بێكاری تەنگی پێ هەڵچنیوین؟ هەر ئەم خەڵكه مافی ئەوەیان نییه بڵێن ئەرێ بۆ جەنگڵ و دارستانەكانی كوردستان دەبڕن یا ئاگر دەدەن؟ هەر ئەم خەڵكه ناتوانن بڵێن بۆچی مافی خوێندن به زمانی خۆمان نییه؟ ئەوەتا به دەیان هەڵسووڕاوی مەدەنی و ژینگەپاڕێز هەر لەبەر ئەم داواكارییانه له زیندانەكانی ڕژیمی بەند كڕاون. بەڕاستی ڕژیم هەوڵ دەدا تا كاڕەساتی وەك كۆبانی و شنگاڵ و شەڕی عەفرین ڕووبدا تا كوردی ڕۆژهەڵات قەت نەپەرژێنە ئەوەی بیر لەو گشته زوڵم و زۆره بكەنەوه كه هەر ئەم ڕژیمه لەوانی دەكا. 
بەڵام خەڵكی وریا و وردبینی ڕۆژهەڵات لەم پیلان و ڕاوێژە چەپەڵەی ڕژیم گەیشتوون و نەورۆزی خوێناویی سنه له بیر و مێشكی باوكان و دایكانی ئەو سەردەمی كوردستان ناچێتە دەر و بۆ نەوەكانی خۆیان باس دەكەن. جینایەت و كوشتاری ئەو كاتی ڕژیم له شاری سنه و بۆمباران و تۆپباران و خۆمپاڕەبارانی سنه له لایەن هێزەكانی ڕژیمەوه نە لە بیر كوردی ڕۆژهەڵات دەچێ و نه ئەو كاڕەساتانەی بە سەر پارچەكانی دیكەی كوردستان دێن سێبەری دەخەنه سەر. ئێعدامەكانی پاوه و سنه و سەقز و مهاباد و قەتڵ و عامی قاڕنێ و قەڵاتان و جینایەتەكانی ڕژیم له كوردستان له مێشك و میژووی كوردی ڕۆژهەڵاتدا تۆزی لێ نانیشێ و قەت لە بیر ناچێ و گەلی كورد هەنووكه شاهیدی جینایەتی ڕۆژانەی ئەم ڕژیمەن. خەڵكی كوردستان باش دەزانن ڕژیمی ئێران دەستی له پشت هەموو ئەو شەڕ و ئاژاوه و وێرانكارییەی ڕۆژهەڵاتی ناوەڕاستدا هەیه. گەلی بندەستی كورد له ڕۆژهەڵات له هەر دەرفەتێك كه بۆیان هەڵدەكەوێ دێنە مەیدان و وەبیر سەرانی ڕژیمی دێننەوه كه ڕژیم له كوردستان داگیركەره و ئەم خاكە خاوەنی خۆی هەیه. 
ڕژیمی ئێرانی تەیار به مووشەكی گەوره و دوورهاوێژ فڕۆكەی جەنگی و به چەكی قورس و تانك و خاوەنی ئەرتەش و سپا و بەسیج و هێزی سەركوتگەر له سەما و سڕوودی نەورۆز و بەهاری لاوانی كوردەواری تۆقیوه. سەما و هەڵپەڕكێ و شادیی كوڕان و كچانی كوردستان نەك تەنیا به هەڕەشه بۆ سەر دینەكەیان بەڵكوو له بنەڕەتدا بە گەوڕەترین هەڕەشه بۆ سەر دەسەڵاتەكەیان دەزانن و له ڕاستیدا دینیان كردووەته قەڵغانی دەسەڵاتەكەیان. ئەمساڵ سەمای كوڕان و كچان له ڕێوڕەسمەكانی نەورۆز لەرزەی خسته دەسەڵاتی ئاخوندەكانی قوم و تاران و گوڵی سووری دەستی ژنان و پیاوان و لاوانی ڕۆژهەڵات جەرگی داگیركەرانی بڕی. ڕژیمی ئیسلامیی دژه ئازادی و دژه سەما و دژه شادی زۆری هەوڵدا ئەو ڕێوڕەسمانه نەگیرێن و بەڕاستی له بڵێسەی ئاگری نەورۆزی كوردستان دەترسێ. ٣٩ ساڵ سەركوت و جینایەت له كوردستان، ٣٩ ساڵ ئێعدام و زیندانی و ڕاگواستنی زۆڕەملی، ٣٩ ساڵ كوشتن و بڕین و وێرانكاری، ٣٩ ساڵ هەڵاواردن و پیلانگێڕی له دژی گەلی كورد و بڵاوكردنەوەی مادە سڕكەڕەكان له كوردستان، ٣٩ ساڵ سووتاندنی كتێب و كتێبخانەكان و بڵاوكردنەوەی خورافە و داسەپاندنی كۆنەپەرستی، ٣٩ ساڵ سەركوتی ئازادی و ئازادیخوازان و دژایەتی و دوژمنایەتیی گەلی كورد و ٣٩ ساڵ ترۆر و تۆقاندن نەیتوانیوه چۆك به گەلی كۆڵنەدەری كورد له ڕۆژهەڵات دابدا. 
ئەوەتا گەلی كورد شكۆی خۆی و بزووتنەوەكەی له دەرفەتە جۆڕاوجۆڕەكان و لەوانه له نەورۆزدا دەردەخا. شكۆی ئەم گەله به هیچ پیلانێكی ئەم ڕژیمه داگیركەره ناشكێ. ئەوەتا جامانه لە مل و جامانه پۆشەكان به جلی كوردییەوه و ڕەنگی ئاوڵ و واڵا و كەسك و سووڕەوه ڕێوڕەسمەكانی نەورۆزیان خشڵی گوڵی سوور كرد و وەڵامێكی یەكگرتوو و ئازایانەیان بە ڕێبەرایەتی خۆیان دایەوه و دڕكێكی قاییمیشیان له چاوی ڕژیمی داگیركەر كوتا. گەلی كورد به ئاشكرا به ڕژیمی وت بڵێسه و كڵپەی ئاگری نەورۆز بەم زووانه داوێن و كۆڵەكەكانی دەسەڵاتی سەڕەڕۆی ئەم ڕژیمه دەگڕێتەوه و كچان و كوڕانی كوردستانیش به دەوری ئەم ئاگرەدا سەمای سەركەوتن دەكەن و سڕوودی سەركەوتن دەڵێنەوه. 
لەگەڵ ئەوەیدا كه جێی خۆیەتی دەسخۆشی له هەموو هەڵسووڕاوانی و چالاكان و بەڕێوەبەر و ڕێكخەران و بەشداربووانی ئەم ڕێوڕەسمە شكۆدارانه بكڕێ و كار و ماندوو بوونیان جێی ڕێزه، دەبێ ئەم هێزه یەكگرتووه شكۆدارەی كه تا ئێستا چەندین جار هاتووەتە مەیدان له لایەن حزب و هێزەكانی ڕۆژهەڵاتەوه، وەڵامی شیاوی خۆی بدڕێتەوه. ڕێزگرتن له شكۆی ئەم خەڵكه ئەوەیه ئەم ناوەندەی كه هێزەكانی ڕۆژهەڵات پێكیانهێناوه بەهێزتر بكڕێ. هاوكارییەكان زیاتر و بەرینتر بكڕێن و له چوارچێوەی كۆبوونەوەكان بترازێ و بێته بواری جێبەجێ كردنەوه و كاڕەكان به كردەوه ببیندڕێن.


PM:06:15:09/04/2018




ئه‌م بابه‌ته 203 جار خوێنراوه‌ته‌وه‌‌