سوکایەتی رژیمی کۆماری ئیسلامی بەئایینی یارسان مەحکوم دەکەین

ئاسۆی رۆژ: كۆمه‌ڵه‌ی شۆرشگێڕ له‌ راگه‌ێندراوێكدا بێ حورمه‌تی كاربه‌ده‌ستانی ئیدارەی ئیتلاعاتی له یه كێك له‌ زیندانه‌كانی كۆماری ئیسلامی به‌رانبه‌ر به‌ باوه‌ڕمه‌ندانی ئایینی یارسان مه‌حكوم كرد.

چەند رۆژ لەوە پێش دوو باوەڕداری ئایینی یارسان بۆنارەزایەتی دەربڕین سەبارەت بە بێ حورمەتی ئیدارەی ئیتلاعات بەم ئایینە لەشاری هەمەدان، خۆیان ئاگرتێبەردا. ئەو رووداوە دڵتەزینە بە دواى ئەوە دێت کە كاربه‌ده‌ستانی ئیدارەی ئیتلاعاتی هه مه دان له زیندانی ئه و شاره  سمێڵى کەسێک لە یارسانەکان بە مەبەستى سووکایەتى پێکردنی دەتاشن. سوکایەتی وپێشێلکردنی مافی کەمایەتییە نەتەوەیی وئاینییەکان بە شێوەی سیستیماتیک وبەپێی بڕگەو ماددەکانی یاسای بنەرەتی ئێران یەکێک لە پێناسە سەرەکییەکانی کۆماری ئیسلامی یە . کردنى  مەزهەبێکى تایبەت بە مەزهەبی رەسمى و دەوڵەتى خۆى لە ناوخۆیدا هەڵاواردنى مەزهەبى و ئائینەکانى دیکەى لێدەکەوێتەوە و رێگا خۆش دەکا بۆ داپڵوسینى باوەردارانى ئائینەکانى دیکە. لە ئێران بە پێى یاساى بنەرەتى و بە دزێوترین شێوە بەدەر لە باوەڕدارانی مەزهەبی شیعەی دوازدە ئیمامی باقی پەیڕوانی مەزهەب وئایینەکانی تر وەک بەهایی ، سوننە ، یارسان و.......هتد مافیان پێشێل دەکرێت وئەم ستەمە تەنانەت بۆ  درێژەدان بە خوێندن و چوونە زانکۆی باوەردارانی ئەم ئایینانەش کاریگەری هەیە. بۆ وێنە باوەڕدارانی بەهایی بەپێی یاسا ناتوانن لە خوێندنی باڵا لە زانکۆکانی ئێران بەشدارى بکەن. 

ئازادی باوەر وعەقیدە، سەربەستى لە پەیرەو کردنى هەر ئائینێک و  پەیرەوى نەکردن لە هیچ ئائینێک، ئەسلێکی حاشاهەڵنەگر ویەکێک لەخاڵە بنەرەتییەکانى دێمۆکراسی لە هەر کۆمەڵگە وحکومەتێکی دێموکراتیکە. بیڕوبڕوا و عەقیدەی ئینسان وەک شتگەڵێکی تایبەتی و خوسوسی دەبێ رێزیان لێبگیرێت و جیا کردنەوەی ئایین لە دەوڵەت وهەوڵدان بۆ پێکهێنانی حکومەتێکی سێکۆلار لە ئێران دەتوانێ کۆتایی بەزوڵم و ستەمی کەمایەتییە ئاینییەکان بهێنێت . کۆمەڵە هەرچەشنە سوکایەتی وبێ حورمەتییەک بە هەر مەزهەب وئایینێک ولەوانە سووکایەتى ئەم دوایەى دام و دەزگاکانى حکوومەتى کومارى ئیسلامى  بە رەسم و یاساى یارسانەکان مەحکوم دەکات. بێگومان کۆتایى هێنانى یەکجارى بەو بێ مافییە وەکو گشت بێ مافییەکانى دیکە بەستراوەتەوە بە هەڵپێچانى دامودەزگاى کۆمارى ئیسلامى.  بەڵام تا ئەوکات کۆمەڵە لە گشت شێوازەکانى خەبات بۆ ئێعتراز و دەبڕینى نارەزایەتى بەرامبەر بە کەمایەتییە ئائینیەکان و لەوانە بآریزی بە یارسانەکان پشتیوانى دەکا. 

سکرتارییەتی کۆمەڵەی شۆرشگێری زەحمەتکێشانی کوردستانی ئێران
‏08‏/06‏/2013
18ى جۆزەردانى 1392ى هەتاوى

PM:02:48:08/06/2013




ئه‌م بابه‌ته 1104 جار خوێنراوه‌ته‌وه‌‌


زۆرترین خوێنراو‌