پتر لە ٧٠ کەس لە هاوڕێیانی کۆمەڵەی شۆڕشگێڕ بوون بە ئەندام


ئاسۆی ڕۆژهەڵات/ دوانیوەڕۆی ڕۆژی سێ شەممە ٢٠ی خەزەڵوەڕی ساڵی ١٣٩٩ی هەتاوی لە ڕێ و ڕەسمێکی تایبەتدا کۆمەڵێکی بەرچاو -کە ژمارەیان پتر لە ٧٠ کەس بوو- لە هاوڕێیانی پێشـمەرگە و لایەنگر، پاش سەرکەوتووانە تێپەڕاندنی قۆناغی بەرئەندامی بە شێوەی ڕەسمی بوون بە ئەندامی کۆمەڵە.

ئەو ڕێ و ڕەسمە کە لە لایەن کۆمیسیۆنی ئەندامگیری کۆمەڵەوە ڕێکخرابوو، بە بەشداری ئەندامانی سەرکردایەتی و کۆمەڵێک لە کادر و ئەندامانی ‌‌حیزبی بەڕێوە چوو.

لە ڕێ و ڕەسمەکەدا بە خولەکێک بەبێ دەنگی وەستان بۆ ڕێزگرتن لە یادی سەرجەم گیانبەختکردووانی کۆمەڵە و بزووتنەوەی ڕزگاریخوازانەی خەڵکی کوردستان دەستی پێ کرد و دواتر هاوڕێ بەختیار عەلیار یەکێک لە ئەندامانی کۆمیسیۆنی ئەندامگیری کۆمەڵە ڕێ و ڕەسمەکەی کردەوە. دواتر هاوڕێ ئەعزەم قوبادیپور یەکێکی تر لە ئەندامانی کۆمیسیۆنی ئەندامگیری کۆمەڵە وتەیەکی سەبارەت بە ڕۆڵ و ئەرک و مافەکانی ئەندامی کۆمەڵە پێشکەش کرد.

پاشان هاوڕێیانی تازە ئەندام ‌حوکمی ئەندامییەتییان پێ بەخشرا.

جێی ئاماژە جیا لەو هاوڕێیانە، کۆمەڵێکی تر لە هاوڕێیانی بەشە جیاجیاکانی خەباتی کۆمەڵە، وەک بەرئەندام ناسێنران و چاوەڕوان دەکرێت لە ماوەی داهاتوودا، قۆناغی بەئەندامییەتی سەرکەوتووانە تێپەڕ بکەن و بە شێوەی ڕەسمی ببن بە ئەندامی کۆمەڵە.

بە ناوی ناوەندی ڕاگەیاندنی کۆمەڵەوە پیرۆزبایی لەو هاوڕێیانە دەکەین و هیوای سەرکەوتنیان لە ئەرک و خەبات دا بۆ دەخوازین.

ناوەندی ڕاگەیاندنی کۆمەڵەی شۆڕشگێڕ

٢٠ی خەزەڵوەڕی ١٣٩٩ی هەتاوی

١٠ی نوامبری ٢٠٢٠ی زایینی


PM:04:03:10/11/2020




ئه‌م بابه‌ته 258 جار خوێنراوه‌ته‌وه‌‌