بانگەوازی دەستەی بەرێوەبەری یادی 50مین ساڵیادی دامەزرادنی کۆمەڵە

50 ساڵ لەمەو پێش سێ خوێندکاری شۆڕشگێڕی کورد لەتاران بەردی بناغەی ڕێکخراوەیکی سیاسییان دانا کە دواتر بە کۆمەڵە ناسرا. کۆمەڵە لەمێژووی خەبات و تێکۆشانیدا بۆ بەدەستهێنانی مافی نەتەوایەتی و عەداڵەتی کۆمەڵایەتی زۆڕ ڕێگا و ئامرازی بەربەرەکانێی لەگەڵ داگیرکەر بەکار هێناوە. بێگۆمان یەکێک لەو ئامرازانە هونەر بووە و لەنێو ڕیزی هێزی پێشمەرگەی کۆمەڵەدا دەیان هونەرمەندی شۆڕشگێڕ سەریان هەڵدا کە هاوشان لەگەڵ هونەرمەندان و نووسەران و شاعیرانی کورد، خزمەتیان بە بزووتنەوەی ڕزگاری خۆازانەی کوردستان و هونەر و ئەدەبیاتی شۆڕشگێڕانە کردووە. گرووپی هونەری بانگەوازی کۆمەڵە کە ئێستاش خەریکی کار و چالاکییە بە ئامادەکردنی شانۆ و فیلم و سروود و شیعر و پەخشان خزمەتێکی زۆری بە نەتەوەی کورد لە کوردستانی ڕۆژهەڵات و تەنانەت پارچەکانی دیکەی کوردستان کردووە. بێگۆمان ئەرکی سەرشانی ڕووناکبیران و هونەرمەندانی شۆڕشگێڕ و بەهەڵوێستە کەلەبەرانبەر کێشە و گرفتەکانی نێو کۆمەڵگا و مێژووی خەباتی پڕشنگداری گەلی کورد لەبەرانبەر داگیرکەر، بێ هەڵوێست نەبن و بە بەرهەمەکانیان لەو مەیدانەی خەباتدا چالاک و کاریگەر بن. 
ئێستا کەلە26ی ڕێبەندان ڕۆژی کۆمەڵە نزیک دەبینەوە و کۆمەڵە 50 ساڵ خەبات و تێکۆشانی بێ پسانەوەی خۆی تێپەر دەکات دەستەی بەڕیوەبەری 50مین ساڵیادی دامەزرادنی کۆمەڵە  داوا لە شاعیران و نووسەران و هونەرمەندانی کوردستانی دەکات بۆ ڕێزگرتن لەم ڕۆژە بەرهەمەکانی خۆیان لە چوارچێوەی ئەم بابەتانە " شوناسی نەتەوەیی، مافی مرۆڤ،‌ پێشمەرگە، یەکسانی ژنان و پیاوان، ژینگە، کرێکاران، کۆڵبەر، زمانی دایکی، مافی منداڵان، زیندانیانی سیاسیی، فێدراڵیزم"  و هتد .... تا ڕێکەوتی 25/11/1398 بەرانبەر لەگەڵ 13/02/2020 لەم ڕیگایانە خوارەوە بۆ دەستەی بەڕێوەبەری یادی 50مین ساڵیادی دامەزرادنی کۆمەڵە بنێرن.

 
Email: 50st.komala@gmail.com 
Whatsapp&Signal&Telegram&Viber: 00964 751 529 6007

AM:09:12:01/02/2020




ئه‌م بابه‌ته 423 جار خوێنراوه‌ته‌وه‌‌