کۆبوونەوەی کۆمەڵەی لاوانی رۆژهەڵات و قسە و باس لە سەر چالاکیەکانی رابردوو و بەرنامەکانی داهاتوو

کۆبوونەوەی بەشێک لە ئەندامانی رێکخراوی کۆمەڵەی لاوانی رۆژهەڵات بۆ قسە و باس لە سەر ئەو چالاکیانەی کە لە ماوەی یەکساڵی رابردوودا ئەنجام دراوەن و هەروەها بەرنامەکانی داهاتووی کۆمەڵەی لاوانی رۆژهەڵات.

ئاسۆی رۆژ: رۆژی چوارشەممە 9ی رەشەممە، کۆبوونەوەی بەشێک لە ئەندامانی رێکخراوی کۆمەڵەی لاوانی رۆژهەڵات بۆ قسە و باس لە سەر ئەو چالاکیانەی کە لە ماوەی یەکساڵی رابردوودا ئەنجام دراوەن و هەروەها بەرنامەکانی داهاتووی کۆمەڵەی لاوانی رۆژهەڵات بەرێوەچوو. لەو کۆبوونەوەیەدا هاورێ ئاوات قوڕەیشی یەکێک لە ئەندامانی دەستەی بەرێوبەری رێکخراوەکە راپۆرتێکی لە سەر کار و چالاکیەکانی یەکساڵی رابردووی کۆمەڵەی لاوانی رۆژهەڵات لەوانە، کارەکانی دەستپێکی رێکخراو وەک نووسین و ئامادە کردنی ئەساسنامە لە لایەن کۆمیسیۆنێکی تایبەتەوە و درووست کردنی پێوەندی لەگەڵ رێکخراوەکانی لاوان لە باشووری کوردستان و پێکهێنانی فدراسیونی لاوانی کوردستانی ئێران بە بەشداری حەوت رێکخراوی لاوانی رۆژهەڵاتی کوردستان و هەروەها چەند چالاکیکی تر وەکوو بەرێوە بردنی سمیناری کاک فۆئاد و سمینارێک لە سەر کاریگەری مادە هۆشبەرەکان لە سەر ژیانی لاوان و چەند راپۆرتێکی تەلەویزیونی چەند چالاکیەکی تر باس کرد. هەروەها لەو کۆبوونەوەیەدا ئاماژە بە نزیک بوون لە بەرێوە چوونی کونفرانسی لاوانی چوار پارچەی کوردستان و بەرەو پێش چوون بۆ بەستنی یەکەم کۆنگرەی کۆمەڵەی لاوانی رۆژهەڵات لە داهاتووێکی نزیکدا کرا. ئەو کۆبوونەوەیە بە رەخنە و پێشنیار و وڵامدانەوەی بە پرسیاری بەشدار بووان و لە کەش و هەوایەکی هاورێیانەدا کۆتایی پێهات.





PM:04:28:05/03/2013




ئه‌م بابه‌ته 1002 جار خوێنراوه‌ته‌وه‌‌


زۆرترین خوێنراو‌