پەردە لە سەر پەیکەری مەحیەدین حەقشناس لادرا



بە پێێ هەواڵێک کە بەناوەندی هەواڵی رۆژهەڵات گەیشتووە، رۆژ هەینی ٢٣ی سەرماوەز، لە ئاویەر و بە بەشداری خەڵک پەردە لە سەر پەیکەری شاعیری کۆچکردووی سنەیی، مەحیەدین حەقشناس لادرا.

لەم رێ و رەسمەدا هادی زیائەدینی پەیکەرتاشی بەناوبانگی کورد وتارێکی پێشکەش کرد، پاشان بیژەن زولفەقارنەسەب قسەو باسێکی پێشکەش ئامادەبوان کرد. پاشان هەرکام لە هونەرمەندان کەماڵ فەدەوی و کەمال قادری بە گۆرانی و مووزیک رێ و رەسمەکەیان رازاندەوە.

دواتر بەشداربووانی رێ و رەسمەکە بە هەڵپەڕكێ و شادی رێ و رەسمەکەیان رازاندەوە.


PM:08:18:14/12/2018




ئه‌م بابه‌ته 277 جار خوێنراوه‌ته‌وه‌‌