جۆزێف ڤوتێل: ئێران هۆکاری نائارامی و ناسەقامگیری رۆژهەڵاتی ناوەڕاستە

ژێنراڵ جۆزێف ڤوتێل بەرپرسی فەرماندەیی ناوەندی ئەمریکا ناسراو بە (سێنت کام) لە دوو تویتی جیاوازدا دەرباری نائارامییەکانی رۆژهەڵاتی ناوەڕاست، باس لە دەوری نێگەتیڤ و تێکدەرانەی کۆماری ئیسلامی دەکات و لەم بارەوە دەنووسێت :" دەوری سەرەکی هێزەکانی قودسی سەر بە سپای پاسداران ئەوەیە کە چالاکی تێکدەرانەیەان هەیە لە ناوچەکە."

ژێنراڵ ڤووتێل لە تویتێکیدا رۆژی یەکشەممە ٢١ ی گەلاوێژ نووسیویەتی :" بەلامەوە روون و ئاشکرایە قاسم سلێمانی و هێزەکانی قودسی سپای پاسداران، ناوەند و ناوەکی سەرەکی جەنگێکی بەربڵاون لە ناوچەکە بە تایبەت لە سووریە، عێراق و لوبنان و بەحرەین و یەمەن."

ژێنراڵ ڤووتێل بەرپرسی ناوەندی (سێنت کام) باس لە دەوری تێکدەرانەی کۆماری ئیسلامی دەکات و دەڵێت :" ئێمە کۆمەڵێک چالاکی تێکدەرانەی ئێران و جەنگی نوێنەرایەتی دەبینین لە ناوچەکە." هەروەها دەڵێت :" من لام وایە ئێران گەورەترین هەڕەشەی درێژماوەیە لە سەر ئارامی و سەقامگیری ئەم ناوچەیە لە دونیا." ئەم بەرپرسە پلەبەرزە سەربازییەی ئەمریکا بە دەربڕینی نیگەرانی خۆی لە چالاکییەکان و دەستێوەردانی ئێران لە عێراق و سووریە ، تاران بە هۆکاری نائارامی ناوچەکە و هەوڵدان بۆ هێشتنەوەی حکوومەتی ئەسەد دەزانێت.


PM:08:59:12/08/2018




ئه‌م بابه‌ته 392 جار خوێنراوه‌ته‌وه‌‌


زۆرترین خوێنراو‌