ناسنامەی ژمارەیەک لە کوژراوەکانی ڕووداوە دڵتەزێنەکەی سنە ئاشکرا بوو

بە پێی هەواڵێک کە بە ناوەندی هەواڵی ئاسۆی ڕۆژهەڵات گەیشتووە، ناسنامەی ١١ کەس لە کوژراوەکانی ڕووداوە دڵتەزێنەکەی شەوی ڕابردووی شاری سنە کە تێیدا زیاتر لە ٢٠ کەس کوژران و برینداربوون ئاشکرا بوو.

ئاسۆی ڕۆژهەڵات ناسنامەی ١١ کەس لە کوژراوەکان بەم شێوەیە بڵاودەکاتەوە:
پارسا ئەسڵانی، پەرویز زەمانی، پەیمان زەمانی، مەسعود نەسیری، مینا سەداقەت، سارا ئایینە، پارسا ئایینە، فوئاد سەیفی، کامران موقبیل، فەرشاد مورادی و شۆفێری تانکەرە نەوتهەڵگرەکە (حسێن تاهیروەیسی).

تەنیا چەند کەس لە سەرنشینەکانی ئوتوبوسەکە ڕزگارییان بووە کە هەواڵەکان باس لەوە دەکەن دۆخی سڵامەتی ئەوانیش جێگیر نییە، ناسنامەی ئەم کەسانەش بەم شێوەیەی خوارەوەیە:
ماشەڵڵا سنەوبەر تەهایی، شەکیب سنەوبەر تەهایی، ئەفشین عەمویی و چیاکۆ کەریمی.

جێی ئاماژەیە، شەوی سێشەممە لە سەر چوارشەممە، ١٩ی پووشپەڕ، لە بلواری دكتور حسەینی شاری سنە، پێکدادانێکی قورس لە نێوان تانکەرێکی نەوتهەڵگر و ئوتوبوسێکی سنە-تاران، هاتەئاراوە کە بە هۆیەوە زیاتر لە ٢٠ کەس کوژران و برینداربوون.


PM:03:37:11/07/2018




ئه‌م بابه‌ته 237 جار خوێنراوه‌ته‌وه‌‌


زۆرترین خوێنراو‌