عەلی عەبدوڵڵا ساڵح كوژرا

ئاسۆی ڕۆژهەڵات: بە پێی هەواڵەکان، ئێوارەی ئەمڕۆ دووشەممە، ٤ی دێسامبر، عەلی عەبدوڵڵا ساڵح، سەرۆك كۆماری پێشووی یەمەن لە ناو ماشێنێكەی خۆیدا لە رێگای شاری سەنعان، لە باشووری سەنعا پێتەختی یەمەن، كەوتە بەر دەسترێژی چەکدارە شیعەكانی ناسراو بە حووسیەكان كە لە لایەن ئێرانەوە پشتیوانی دەكرێن و وێڕای چەند كەس لە هاوڕێیانی گیانی لە دەستدا.

كوژرانی عەلی عەبدوڵڵا ساڵح بە دەستی حووسییەكان لە حاڵێكدایە كە دوای ماوەیەکی زۆر بەرەی (كۆنگرەی گشتی گەڵ) بە ڕێبەری عەبدوڵڵا ساڵح هاوپەیمانی خۆی لە گەڵ حووسیەكان هەڵوەشاندەوە و داوای لە لایەنگرانی كرد كە پشتیوانی لە حووسیەكان نەكەن. 

عەبدوڵڵا ساڵح رۆژی شەممە ٢ی دێسامبر لە وتاردانێكی تەلەفیزیۆنیدا وتی :" داوا لە براكانمان لە وڵاتی دراوسێ دەكەم هێرش بۆ سەرمان رابگرن و گەمارۆكان لا ببەن،... ئێمەش وەرەق ‌هەڵدەگەڕێنینەوە."

ئەمە بوو بە هۆی ئەوەی پەیوەندی نێوان حووسیەكان و بەرەی عەبدوڵڵا ساڵەح بارگرژی بە خۆیەوە ببینێت و سەرئەنجام بوو بە هۆی كوژرانی عەلی عەبدوڵڵا ساڵەح.

حووسیەكان وەك گرووپێكی شیعەی توندڕەو لە لایەن كۆماری ئیسلامیەوە پشتیوانی دەكرێن و یەكێك لە هۆكارەكانی كێشەی نێوان ئێران و عەرەبستان لە چەند ساڵی رابردوودا، بەرگری كردنی ئێرانە لە حووسیەكانی یەمەن. 

PM:10:50:04/12/2017




ئه‌م بابه‌ته 141 جار خوێنراوه‌ته‌وه‌‌


زۆرترین خوێنراو‌