هەواڵی ترسناكی كۆڵانەكان

هاوڕێ یوسفی

گەر چاوە‌ڕوانی شەفاعە‌تی ئاسمانن
دەی بۆ مێژووی ژیانمان قەت  تامی گەنمی هەڵنەگرت
دەی بۆچی گەنم و قەیسییەكانی له گریانەوە گلان؟
كه دارستان خۆی ڕشته تاڵاوی خیابان و خۆرنشین
با تاكسیش ڕایگرێ و پڕ بێت لە موسافرانی بێ ئاسمان
باوەڕ به درەختی
به سەوزایی پیادەڕەو
به ماننەوە– ناكەن؟
گەر ئەم ژیانه له لەحنی گەنمیشدا بتوێننەوە
پڕ به ساعەتەكان چاوەڕوانم
قورسایم سەرەو تا ئەوپەڕی تاكسییەكەم ماتڵ
ئیتر زەوی كەیفی خۆیەتی سەری ئاسمان بێ و لێوی مێژوو
خوا خراویان بۆ بكا
خوا خراویان بۆ خاسكا
خوا خراویان بۆ خەستركا
ئەی كەی خوا خراویان بۆبكا؟
هەموو كات پەلەپەل گوڵێكم
ناسرەوێ
ئەم عەولاده ناسرەوێ
ئەم عیمارەته هەرناڕمێ
[با چارەنووسی [قەدەر و قەیسی] لە خەونی ڕمانی ئەم عیمارەتەدا قەتیس مابێت ؟]
تاكسیەكەم وتی چەن سیحرێكی ترساناكە
غونچە خەون بە گۆڵ بوونییەوە ئەبینێت و
عیمارەت لە پێشێلكردنی
تەسك ترم له نەبوونی
كاتێك پڕ به خۆم پاپەتیم و
بڕێ جار
له چەترێك ئەچم پڕله كەویر
كه دڵی له مانتۆكەیدا ته نگ ئەبێ
چیتر سینگم ڕزگار ناكەن لەم گشته خەریكم دائەڕمێم؟
هەمیشه خەریكه زمسانێكم تیا خاس ئەكا و
كۆڵانێكم تیا ئەنووسێ
وەختێ له شەهوەتی گوێزێكدا گەڵا ئەگرم
هەواڵی ترسناكی كۆڵانەكان بە گژ سەوزێتیماندا دەچێتەوە و
خەبەر لەو هەمیشه پڕ له گرفتەی هەمیسان دەدات
با خوا له دەستی ترازا  بێت و
زەویش هەر هیلاكیمان  پێهەڵگرێت.

PM:06:07:10/10/2017




ئه‌م بابه‌ته 91 جار خوێنراوه‌ته‌وه‌‌