لە سەر كۆشتنی كۆڵبەران سكاڵایەک دژی سێ پاسدار ڕادەستی دادگای نێونەتەوەیی تاوانبارانی شەڕ(ئای.سی.سی) كرا

ئاسۆی رۆژهەڵات: لە سەر كوشتنی كۆڵبەرانی بێ تاوانی کورد و هەروەها سەركوتكردنی خەڵكی بێتاوانی شاری بانە و سنە ئەمڕۆ ١٣ی مانگی سێپتامبر لە لایەن دەفتەری پەیوەندییە نێونەتەوەییەكانی كۆمەڵەی شۆڕشگێڕی زەحمەتكێشانی كوردستانی ئێرانەوە سكاڵانامەیەک بە پێی پەیڕوەی دادگای تاوانبارانی شەڕ، ئامادە كرا و لە لایەن چەندین شاهیدەوە بە دەیان بەڵگە ڕادەستی دادگای نێونەتەوەیی تاوانبارانی شەڕ لە شاری دەنهاخی هوڵەند  كرا.

هەر یەک لە جەلادانی دژ بە كورد سەید محەمەدی حیجازی، محەمەد پاكپور و محەمەد عەلی جەعفەری لە بەرپرسانی باڵای سپاسی پاسداران لەو كەسانەن كە وەک تاوانبار ناویان هاتووە و بە بەڵگەوە سكاڵایان لە سەر تۆمار كراوە.

جیا لە كوشتنی كۆڵبەر ناوبراوان تۆمەتبارن بە کوشتنی چوار دەیە خەڵكی بێ‌تاوانی كورد.

لە سەر ئەم سێ كەسە پەروەندە كراوەتەوە و بە پێی یاسای دادگای تاوانبارانی شەڕ ئەو كەسانەی دوای ساڵی ٢٠٠٢ تاوانیان دژ بە مرۆڤ ئەنجام داوە كەیسەكەیان تا دەگاتە ئەنجام تاووتوێ دەكرێ .

كۆمەڵەی شۆڕشگێڕی زەحمەتكێشانی كوردستانی ئێران
كۆمیتەی پەیوەندییە نێونەتەوەییەكان
13ی سێپتامبری ٢٠١٧

PM:08:39:13/09/2017




ئه‌م بابه‌ته 427 جار خوێنراوه‌ته‌وه‌‌


زۆرترین خوێنراو‌