لە چەند رۆژی رابردوودا ١٠ زیندانی کورد لە گرتووخانەکانی ئێران لەسێدارە دراون

ئاسۆی رۆژهەڵات: بە پێی هەواڵە بڵاوکراوەکان لە زمان ناوەندەکانی مافی مرۆڤەوە، لە چەند رۆژی رابردوودا لانیکەم ١٠ زیندانی کورد لە گرتووخانەكانی "ورمێ، خوڕەم ئاباد، هەمەدان و كەرەج” لەسێدارەدراون.

ڕۆژی چوارشەممەی هەفتەی ڕابردوو دوو بەندكراوی كورد بە ناوەكانی "ئیبراهیم سەبزی"، خەڵكی هەرسین و "محەمەد هەمەوەند"، خەڵكی لۆڕستان لە گرتووخانەكانی هەمەدان و كەرەج بە تۆمەتی بازرگانی کردن بە مادەهۆشبەرەکان و کوشتنی بە ئەنقەست "قتڵ" لەسێدارە دراون.

لە درێژەی شەپۆلی ئیعدامەکان لە گرتووخانەکانی ئێران؛ هەینی ڕابردوو سێ بەندكراو و ڕۆژی شەممەش دوو بەندكراوی دیكەی كورد لە گرتووخانەی ورمێ بە تۆمەتی "مادە هۆشبەرەكان" لەسێدارە دراون.

ناوی ئەو پێنج بەنكراوە بریتیە لە "ڕامین هەنارە، پەرویز تەمری‌پوور، فەرامەرز ئەسغەرزادە، محەمەدڕەزا سادقی و ماشەڵا سەیادنوور".

لەلایەكی دیكەشەوە هەمان ڕۆژ لە گرتووخانەی ناوەندیی خوڕەم‌‌ئاوای سەر بە پارێزگای لۆڕستان، سێ بەندكراویتری كورد بە ناوەكانی "ئەمیر خوڕەم‌ئابادی"، "نەجمەدین سەفی‌پوور"، "محەمەد زیودار" بە تۆمەتی مادەهۆشبەرەكانەوە لەسێدارە دراون.

PM:03:37:17/07/2017




ئه‌م بابه‌ته 235 جار خوێنراوه‌ته‌وه‌‌


زۆرترین خوێنراو‌