بۆ گیانبەختکردووانی ٢ی پووشپەڕی کۆمەڵە

ئارام بوداغی

كۆتەڵی ئەم كۆچه سوورە رۆژهەڵاتی گرتەوە
قارەمان كوا مەرگ دەناسێ راخوڕن دەی هەستنەوە

گڵ مەیل بڕ نێ هەڤاڵان قەت له بیرمان ناچنەوە
ناخی دڵ جێتانه نەك گۆڕ، دڵنیام رادەبنەوە

چۆن سنه دەگلێنێ لاوی شۆڕە سواری تەرزی خۆی!
دەستی دوژمن بادەدا گەر رۆژی هەستان بێتەوە

كیژ و لاوی رۆژهەڵات و گەنجی خوێنگەرمی سنه
پۆل به پۆل فەرمان دەخوازن گیان فیدان ناكشێنەوە

خۆری سەركەوتن له لووتكەی بەرزی سەرتان دێتە دەر
بڕبڕەی پشتی چیان و بێ گومان ناشكێنەوه

كێوی بەرزی نیشتمانن سەر له ئاسمانان دەسوون
چڵكه هەوری پیسی تاران كوا دەتانشارێتەوە

فەخر و شانازین بۆ دایكی زامداری نیشتمان
قارەمانی چەشنی ئێوەی وا له داوێن كەوتەوە

دێوی شەڕ چۆنه دەتوانێ دەستو لێ بەرز كاتەوە
خۆی دەبێتە خۆڵەمێش بەو ئاگرەی دەیكاتەوە

سەوڵی سەربەرز كوا به داگیركەر له بن دەبڕێتەوه
هەر رەگێكی جەنگەڵێكە و سەر لە نوێ دەردێتەوە

تۆوی رزگاری دەچێنین تا به ئازادی بژین
ئەم رەپستە ئاگریش دەن سەر لە نوێ دەڕوێتەوە

PM:03:28:10/07/2017




ئه‌م بابه‌ته 311 جار خوێنراوه‌ته‌وه‌‌