پلینۆمی حەوتی کومیتەی ناوەندی کۆمەڵە کۆتایی بە کارەکانی خۆی هێنا



كۆمەڵانی خەڵكی ئازادیخوازی كوردستان
بەئاگاداریتان دەگەیەنین كەرۆژی٢٥ی گوڵان ڕێكەوتی ١٥ مانگی مای كۆمەڵەی شۆڕشگێری زەحمەتكێشانی كوردستانی ئێران حەوتەمین و ئاخرین پلینۆمی كومیتەی ناوەندی هەڵبژێردراوی كۆنگرەی ١٤ی گرت.
دەستوری جەلەسەی ئەم پلینۆمە وەك ڕەواڵی پێشوو بریتی بوو لە چۆنایەتی بەڕێوەبردنی كۆنگری ١٥،واتەدیاری كردنی ئائین نامە و دەستور جەلەسەكانی كۆنگرەوهەڵبژاردنی كومیتەی ناوەندی.
كومیسیۆنی تەداروكی كۆنگرەی ١٥ كە لە چەند مانگ پێشەوە بەم ئەركە هەستابوو ئاخرین راپۆرتی كاری خۆی و هەروەها پێشنیارەكانی خۆی پێشكەش بە پلێنۆم كرد.
پلینۆم دوای بیستنی راپۆرتی لێژنەی ئامادەكار و بیستنی پوختەیەك لە راپۆرتی سیاسی سكرتێر و تێبینی هاوڕێیانی كومیتەی ناوەندی بەتێكڕای دەنگ ئایین نامەی كۆنگرە و دەستورجەلەسەكان و چۆنایەتی هەڵبژاردن و ژمارەی ئەندامانی كومیتەی ناوەندی و هاوكارانی بۆ كوردستان و بۆ ڕێكخستنەكانی دەرەوی وڵات دیاری كرد و بەتێكڕای دەنگ پەسەند كرد.
جێگای ئاماژەیە بە هۆی ئامادەكاریەكانی پێشووی لێژنەی ئامادەكار ئەم پلینۆمە كەمتر لە ٤ كاتژمێری خایاند و هەموو بڕیار و پێشنیارەكان بۆ پێشكەش كردنی بە كۆنگرەی ١٥ بەتێكڕای دەنگ پەسەند كران.

كۆمەڵەی شۆڕشگێڕی زەحمەتكێشانی كوردستانی ئێران
سكرتاریەتی كومیتەی ناوەندی
2017/5/17


PM:01:34:17/05/2017




ئه‌م بابه‌ته 645 جار خوێنراوه‌ته‌وه‌‌


زۆرترین خوێنراو‌