یەکێتی ئورووپا گەمارۆی خستە سەر ٨٢ بەرپرسی باڵای کۆماری ئیسلامی

ئامادەکردنی: شاهۆ مەحموودی

یەكێتی ئورووپا بۆ جارێكی دیكە بڕیاری بە درێژەی گەمارۆدانی 82 بەرپرسی پلە باڵای حكوومەتی كۆماری ئیسلامی بەهۆی پێشێلكردنی جدی مافی مرۆڤ لە وڵاتی ئێراندا.
بەپێی ڕاپۆرتی ئاژانسی هەواڵنێری ڕۆیتێرز، یەكێتی ئورووپا،  ڕۆژی سێشەممە ڕێكەوتی 11ی ئاوریلی ساڵی 2017ی زایینی  بەرانبەر لەگەڵ ڕێكەوتی 22 خاكەلێوەی ساڵی 1396ی هەتاوی، بۆ جارێكی دیكە بڕیاری لەسەر درێژەدانی  گەمارۆكانی  لەسەر  82 بەرپرسی پلە باڵای كۆماری ئیسلامی داسەپاند و وەكوو بەرپرسانێك كە  پێشتر بەشێوەی نامرۆڤانە، مافی مرۆڤەكانیان بەهەمووشێوازێك پێشێل كردووەو ئێستاشی لەسەربێت هەر ئەو هەوڵە دەدەن ناساند، هەروەها بەپێی ئەم بڕیارە نوێیەی یەكێتی ئورووپا، دارایی، ماڵ و كەل و پەلی ئەو بەرپرسانەی كە ناویان لە لیستی گەمارۆكان تۆمار كراوە، بۆجارێكی دیكە و بەهێچ شێوازێك ئیزنی گەشت و گوزار و هەروەها سەردانی پەیوەنیدار بە كارەكانیان بۆ وڵاتانی  ئورووپایی نیە، لەم بڕیارە ئاماژە بەوەش كراوە كە ڕێگری لە هەناردە كردنی هەرجۆرە كەرەستەیەك تایبەت بە سانسۆر و سەركوت بۆ حكوومەتی كۆماری ئیسلامی دەكرێت.
جێگای ئاماژەیە پەیوەندیەكانی نێوان ئەكێتی ئورووپا و كۆماری ئیسلامی بەدوای ڕێكەوتنی ئەكێتی ئۆرووپا و ڕۆحانی لەژێر پرۆژەی بەرجام لە دووساڵی ڕابردوودا زۆر باشتر بوو و تەنانەت بەردەوام تاران دەیكۆشا  كۆمپانیا ئوروپاییەكان بۆ سەرمایەدانان و بازرگانی لە ئێران تەشویق و بانگهێشت بكات.
ئەمەش ئاشكرایە كە خوێندەوەو و تێڕوانینی دۆناڵد تراپ، سەرۆك كۆماری ئێستای ئامریكا لەگەڵ باراك ئۆباما سەرۆك كۆماری پێشووی ئامریكا زۆر جیاوازترە و پەیوەنیدەكانیشیان لەگەڵ ئێران جیاوازتر دەبێت.
گەمارۆی پەیوەنیدار بە پێشێلكارانی مافی مرۆڤی كۆماری ئیسلامی یەكەم جار لە ساڵی 2011 لە لایەن یەكێتی ئورووپا بڕیاری لەسەر درا كە ناسراوترینی ئەم كەسانە بریتین لە: محەمەد جەعفەری(فەرماندەی سپای پاسداران)، محەمەد سەعیدی(نوێنەری وەلی فەقی لە سپای پاسداران، حسین تائێب(بەرپرسی ڕێكخراوی سپای پاسداران)، سادق لاریجانی(بەرپرسی دەزگای دادوەری)  غلامحسێن ئێژەیی، سادق مەحسووڵی، عباس جەعفەری، سەعید مورتەزەوی، محەمەد رەزا نەقدی(فەرماندەی بەسیج).

PM:07:19:12/04/2017




ئه‌م بابه‌ته 434 جار خوێنراوه‌ته‌وه‌‌