رەئیسی بۆ هاتووەتە ڕكابەری هەڵبژاردنەكانەوە

فۆئاد شێربەیگی

دوای دەست لە كاركێشانەوەی رەئیسی و راگەیاندنی بۆ بەشداریكردن لە هەڵبژاردنەكانی سەرۆك كۆماری كۆماری ئیسلامی لە ئێران گۆڕەپانی گەمەی ئەو هەڵبژاردنە گۆڕانكاتی بەخۆیە دەبینێت كە دەبێ بە وردی لێ بكۆڵدڕێتەوە و چاوەڕوانی كاردانەوەكانی لە ڕۆژانی داهاتوودا بین.
رەئیسی كە بەحوكمی خامەنەیی سەرپەرەشتی ئاستانی قودسی رەزەوی واتە قەبری ئیمامی هەشتومی شیعەكان، ئیمام رەزای لە مەشهەد لە ئەستۆیە و ئەو دەمودەگایە وەكوو دەوڵەمەندترین بەشی ئابوری ئێران ناوی لێدەبردرێت و هەروەها حوكمی بەڕێوەبەری ئەو دەزگایە وەكوو حوكمی خامەنەیی چاوی لێدەكرێت و هەروەها بەڕێوەبەرانی ئیدارەی ئەو پارێزگایە خۆیان لە بەڕێوەبردنی پارێزگاكە سەربەخۆ دەزانن و یاساكانی خۆیزن ئەگەر پێچەوانەی یاسا حكومەتییەكانیش بەڕێوە دەبەن.
بەو كورتەیە لە ئاستی گرینگی پۆستەكەی ڕەئیسی تێدەگەین و هەروەها دەبێ ئەوەش وەبیر بهێنینەوە ناوبراو یەكێك لە ئەندامانی دەستەی باڵای بەڕێوەبردنی ئێعدامەكانی ساڵی 67ە كە لە لایەن خومەینییەوە لەسەرو دەزگای دادی كۆماری ئیسلامی حوكمیان پێدرابوو بۆ بوونی ئیزنی دەركردنی حۆكمی ئیعدام بۆ هەموو تاكێك بە بێ گەرانەوە بۆ یاسا و ئەو كەسانە باوەرپێكراوترین كەسەكانی ئەو سەردەمی كۆماری ئیسلامی بوون و رەئیسی یەكێك لەو كەسانەی دەستی بە خوێنی هەزاران بێتاوان سوورە.
رەئیسی بێجگە لە دەورگێڕان لە دادستانی و دەزگای دادی كۆماری ئیسلامی لە بازنەی سیاسەتی ئێراندا دەورێكی بەرچاوی نەبووە و سەرەڕای ئەوش بە هۆی پێچڕەش بوونی واتە سەیید بوونی و نزیكی لەڕادەبەدەری بە دەزگای خامەنەیی وەكوو یەكێك لە سەرەكیترین پاڵێوراوان بۆ جێگری خامەنەیی باسی لێدەكرا و هاتنە مەیدانی بۆ بەشداری لر هرڵبژاردنەكانی ئەو خولەی سەرۆك كۆماری لە ئێران گومانی  سیناریۆی دووپاتكردنەوەی هەڵبژاردنی خامەنەیی لەدوای خومەینی لە ناو مێشكی خەڵكدا دەبوژێنێتەوە.
هۆكارەكانی هاتنی ڕەئیسی دەبێ بگەڕێنینەوە بۆ ئەوەی دوای مردنی ڕەفسنجانی، ڕووحانی تێدەكۆشێ میراتی سیاسی ئەو بۆخۆی مسۆگەڕ بكا و ببێتە ڕیشسپی لایەنی میانەڕۆ بەڵام بەهۆی نەبوونی پێشێنە و سەروەت و سامانی ڕەفسنجانی پێویستی بە كەڵك وەرگرتنی پڕاوپڕ لەو دەورە نوێەی سەرۆك كۆماری هەیە و هەروەها پێویستە لەو دەورەیەدا لە زۆر بواردا بەرەنگاری خامەنەیی ببێتەوە و خۆی لە خەڵك نزیك كاتەوە و دەستپێكی ئەو پلانەشمان دیوە كە لە هێنانە ئارای باسی مافی شارومەندی و بەڵێنی دانی ماف بە كەمایەتییەكان و هەروەها خۆ نزیك كردنەوە لە ڕۆژئاوا و بە تایبەتی ئەمریكا دەبینین كە هەر هەمووی بە ئاشكرا دژایەتی كردنی باڵی دەمارگرأی كۆماری ئیسلامییە و لەسەروو هەموشیانەوە خامەنەیی. بۆیە پێویستە ڕكابەرێكی بە قوەتی لەبەرامبەر دابندرێت تا پێیوانەبێت دەتوانێ بە كەیفی خۆی لێخوڕێ و لە لایەكی تریشەوە لایەنی بەرامبەری خامەنەیی بە هۆی پڕژوبڵاوی نەیاندەتوانی لەسەر كەسێكی تر بێجگە لە تاقانەكەی خامەنەیی واتە ڕەئیسی ڕێكبكەون و بە هەموویان بێنە پشتی.
بابەتێكی تریش كە هەموو دەزگای دەوڵەتی ئێران نیگەرانێتی ئاستی بەشداری خەڵك لە هەڵبژاردنەكانی ئەو دەورەیەی سەرۆك كۆمارییە كە بە كاندیداتۆڕێ ڕەئیسی و بە هۆی دوو جەمسەربوونی هەڵبژاردنەكان دەكرێ چاوەڕوان بكرێت هەڵمەتی پڕوپاگەندە و گەرمكردنی بازاڕی هەڵبژاردنەكان زۆر زیاد بكات و رژیم هیوای ئەوەی هەیە بتوانێت ڕێژەیەكی زۆرتر بۆ بەشداری لەو هەڵبژاردنانەدا هانبدات، باوەكوو بەزمی لایەنگرانی ئەحمەدی نیژاد و كاندیداكەی واتە بەقاییش بۆخۆی دەتوانێت تاڕادەیەك ئەو بارودۆخە بشڵەژێنێت بەڵام ئەوەی گرینگە ئەگەر بەڕاستی ڕەئیسی پاڵێوراوی سەرەكی بۆ جیگری دوای خامەنەیی بێت دەبێ حەتمەن لەو هەڵبژاردنانەدا سەركەوێت و ئەوە وەكوو سەرەتایەك بۆ بەرەو ڕەهبەری بوونی دەبێ چاوی لێبكردرێت و ئەوەشمان لە بیر ب ێت هەڵبژاردنی ناوبراو بۆ ڕەهبەری بەمانای ئەوەیە كە لاوازترین كاندیدای پەسەندكراوی لایەنە شاراوەكانی ناو حكومەتە بۆ ئەو پۆستە چۆن خامەنەییش لە كاتی خۆیدا هەر ئەو جێگا و پێگایەی بوو و ئەگەریش ڕەئیسی لەو هەڵبژاردنانەدا سەرنەكەوێت دەبێ چاوەڕوانی سازانێك لە نێوان لایەنەكانی ڕژیمدا بین بۆ گۆڕینی شێوازی رەهبەری واتە كردنی بەشوارایی و لایەنی پشتیوانی ڕووحانی داوای پشكێكی زیاتر دەكەن لە دەسەڵاتی داهاتووی ئێران.
هەركان لە سێناڕیویانە سەركەوێت خەڵكی ئێران و گوزەرانی ژیانیان هیچ گۆڕنكارییەكی بنەڕەتی بەسەردانایەت و بەڵێنەكانی هیچكام لە پاڵێوراوان گۆڕانكارییەكی بنەڕەتی ئەرێنی لە ژیانی خەڵكدا پێك ناهێنێت و تەنیا ڕووخانی كۆماری ئیسلامی و نەمانی ئەو چەتانە لەسەر حوكمە دەتوانێت ببێتە هۆكاری گۆڕانی ژیانی خەڵكی ئێران و كەم تێچووترین ڕێگاش بە٣شداری نەكردن لەو شانۆیەی هەڵبژاردن و ریسواكردنی ڕژیمە و پوچەڵكردنی پلانەكانی بۆ بەلاڕێدابردنی دەزگاكانی ڕاگەیاندن و كۆمەڵگای نێونەتەوەیی بۆ توانای پەڕێوەبردنی حوكمی ئێران و پەسەند بوون و رەوایی دەسەڵاتەكەی لە لایەن جەماوەرەوە كە بە نواندنی ڕێژەی بەشداری خەڵك لە هەڵبژاردنەكان بانگەشەی بۆ دەكات.


PM:01:19:07/04/2017




ئه‌م بابه‌ته 595 جار خوێنراوه‌ته‌وه‌‌


زۆرترین خوێنراو‌