بەرەو كورت بوونەوەی تەمەنی حكوومەت







  شاهۆ مەحموودی


مردن ڕەفسەنجانی، یەكدەست بوونەوەی كۆماری ئیسلامی یان نەمانی سووپاپ ئێتمینان؟
ئەو جۆرە كە هەمووان بیستمان و بینیمنان شەوی ڕابردوو واتە یەكشەممە، 19 بەفرانبار، "عەلی ئەكبەر هاشمی ڕەفسەنجانی" یاری غار و كارەكتری باوڕپێكراوی ساڵانی خومەینی، دڵی وەستاو هەواڵی مردنی لە هەموو جیهان لە چەندین خولەكدا بڵاو بووەوە. لێردا باس لە ئەگەری بەئەنقەست یان نۆرماڵ بوونی مردنی ناكەم بەڵكوو لەم یادداشت دا تێدەكۆشم تیشك بخەمەسەر ئەو باسە كە: "نەمانی ڕەفسەنجانی كاریگەری پۆزێتیڤی لەسەر بەرژەوەندی باڵاكانی نیزامی دەبێت یان نێگاتیڤ؟"
ڕەفسەنجانی یەكەمین بەرپرسی پەڕلەمانی ئێران و چوارەمین سەرۆك كۆماری ئێران بوو و هاوكات لە هەر هەموو هەوڵە گرنگ و مێژوو سازەكانی حكوومەتی كۆماری ئیسلامی چ لە بواری ماڵی( پەروەردە كردنی كەسانێك وەكوو بابەك زەنجانی) چ لە بواری سیاسی (وەكوو لەناو بردنی نەیارانی حكوومەت) كاریگەری بەرچاو و لەوانەیە بڵێین ڕۆڵی سەرەكی هەبوو، ئەم كارێكتێرە، پیلان ڕێژییەكی سیاسەتمەدار بوو و لە شەڕی نێوان ئێران و ئێراق و لەناوبردنی نەیارانی ڕژیم بەشێوەی ڕاستەوخۆو ناڕاستەوخۆ كاریگەری بوو، جیاوازی هاشمی ڕەفسەنجانی لەگەڵ كۆی بەرپرسانی ڕژیم ئەوەبوو كە وەكوو: كەسێكی خاوەن تەكبیر بۆ پەسەند و ڕەتكردنی بڕیارگەلێك كە لە بەرژەوەندیاندا بووایێت تەشخیس و بڕیاری ئاخری هەبوو، لە هەموو تەمەنی كۆماری ئیسلامی كاتێك حكوومەت بە شێوەی خراپ دەكەوتە قەیرانێكی ماڵیەوە ڕەفسەنجانی ئەو  كارەكتەرە بووە كە دەخاڵەتی دەكرد و زۆرێ جار حكوومەتی لەو قەیرانە مادییە ڕزگار دەكرد كە زۆرێك لە كاربەدەستانی كۆماری ئیسلامی لەقەبی باوكی سازەندەگیان لێ نابوو، ئەمە لەكاتێكدا بوو كە ڕوویكەردی ڕەفسەنجانی لەمەڕ دووبەرەی حكوومەتی ئیران ڕێفۆرمخواز و بناژۆخواز، خۆی نزیكتر بە ڕێفۆرمیستەكان دەزانی بەڵام بە هیچ شێوە دەستی نەدایە هیچ هەوڵێك كەبەدژی بەرژەوەندیەكانی نیزام بێت تەنانەت بەشێوەی نەرم و مەخمەڵی ڕێگری لە بشێوی دەكرد، ماهییەتی هاشمی ڕەفسەنجانی بۆ كۆماری ئیسلامی و دەسەڵات خوازی خۆی عاشقانە و حەریسانە بوو، ساڵی 88ی هەتاوی بەدوای هەڵبژاردنەكان و دەسپێكی ئاڵۆزی لە شارەكانی ئێران دەیان و بگرە سەدان و هەزاران كەس بە قسەكانی ڕەفسەنجانی هێور بوونەوە و لە ناڕەزایەتی دەربڕینی جدی كشانەوە، جارێكی دیكە دڵیان بە كۆماری ئیسلامی خۆش بووەوە و بەقسەی ئەو جارێكی دیكەش لە هەڵبژاردنەكانی كۆماری ئیسلامی بەشداریان كرد و مەشرووعیەتیان پێدا و بەردەوام وەكوو سووپاپێكی ئیتمینان، كەرەستەیەك كە تەمەنی كۆماری ئیسلامی دووبارە دەكاتەوە مەعامەلەی لەگەڵ خەڵك و حكوومەت دەكرد، ئەو پارێزگارییەی ڕەفسەنجانی لە كاتێك بوو كە تەنانەت خودی خۆیان ڕەتی سەڵاحیەت كراوە لە بوون بە سەرۆك كۆمار 
هاشمی ڕەفسەنجانی  یەكێك لە ستوونەكانی كۆماری  ئیسلامی و هاوكات یەكێك لە پشتیوانەكانی بەرەی ڕێفۆرم لە ئێران بوو.
بە بڕوای من ئێستا كۆماری ئیسلامی سووپاپی سەرەكی گەرانتی و ئیتمینانی خۆی واتە ڕەفسەنجانی نەماوە، و لەوانەیە ئەگەری هاتنەوە خاتەمەی بۆ گۆڕەپانی سیاسەت جارێكی دیكە بێتە ئاراوە، بەڵام بە نەمانی گەورەترین پشتیوان ڕێفۆرم ئایا كۆماری ئیسلامی یەكدەست و یەكڕەنگ دەبێتەوە؟ زۆر گرنگە كە حكوومەتێك بە شێوەی درووست و عەقڵانی هاو بیرو ڕا و یەكدەست بێت بەڵام ئایا ئەم شێوە كە كۆماری ئیسلامی ئێران گرتوویەتییە بەر عەقڵانیە؟ دەبێ چاو لەوەش بكەین لە لە بەرانبەر ئێران بۆ ماوەی لانیكەم 4 ساڵ كارێكترێك توندڕەو وەكوو دۆناڵد ترۆمپ وەستاوە، من پێموایە نەمانی ڕەفسەنجانی تەمەنی كۆماری ئیسلامی كورت كردەوە، وەكوو خۆمەینی وتی: بەدوای ڕەفسەنجانی كۆماری ئیسلامیش تەواو دەبێت و تەمەنی ئەم حكوومەتە بۆ لای درێژایی بە سیاسەتە نەرم و مەخمەلییەكانی ڕەفسەنجانی دیاری دەكرا.
 


AM:11:34:09/01/2017




ئه‌م بابه‌ته 447 جار خوێنراوه‌ته‌وه‌‌