حوكمی ئیعدامی زیندانییەكی سیاسی كورد لە زیندانی ناوەندی ورمێ جێبەجێ كرا و هەڕەشەی ئێعدام كرانی زیندانییەكی دیكەش لە ئارادایە

فەرانەك ئەڵماسی

زیاتر لە 29 ساڵ بە سەر كارەساتی ئیعدامی بەكۆمەڵی زندانیانی سیاسی لە زیندانەكانی رژیمی كۆماری ئیسلامی لە هاوینی 67 تێپەڕ بووە. لەو ساڵە بەم لاوە تاكوو ئێستا هەزاران زیندانیی سیاسیی و  ئازادیخواز، كە تاوانیان تەنیا تێكۆشان لە پێناوی ئازادی و دێموكراسی بوو لە سیاچاڵە كانی كۆماری ئیسلامیدا بەكۆمەڵ ئیعدام كراون كە زۆربەی ئێعدام كراوان تاكوو ئێستا تەرمەكانیشیان ڕادەستی بنەماڵەكانیان نەكراوە. هێشتاكە چەند رۆژ پێشتر زیاتر لە 20زیندانی سوننە مەزهەب و  عەقیدەتی كورد لە زیندانی رەجایی شاری كەرەج  كە بە كۆمەڵ دەستبەسەركرابوون و تۆمەتی "كردوەی تیروریستیان" خستبووە پاڵ تێپەڕ نەبووە، كە رۆژی یەكشەممە ڕێكەوتی ١٧ی پووشپەڕ،كۆماری ئیسلامی ئێران هەواڵی لە سێدارەدانی "شەهرام ئەمیری" پسپۆڕێكی ئەتۆمی كوردی خەڵكی شاری كرماشان كە پێشتر لە ئاژانسی وزەی ئەتۆمی ئێران كاری دەكرد پشت راست كردەوە، موحسین ئێژەیی وتە بێژی قوەی قەزاییەی ئێران لە چاوپێكەوتنێكی رۆژنامەونووسی دا هەواڵی لە سێدارەكانی "شەهرام ئەمیری شارۆمەندی كورد و شارەزای بواری ئەتۆمی پشت راست كردەوە" و رایگەیاند كە ناوبراو بە تۆمەتی سێخوڕی بۆ ئەمریكا لە سێدارە دراوە، ناوبراو چەند ساڵ پێشتر وەك قارەمانی ئەتۆمی باسی لەسەر كرا، هۆكاری ئەم گۆڕانكارییە و دوو ڕەنگییەی كۆماری ئیسلامی چییە كە دەست بە جێ دەبێت ئێعدام بكرێت، شایەنی باسە، شەهرام ئەمیری، ساڵی ١٣٥٧ لە شاری كرماشان لە دایك بووە، جۆزەردانی ساڵی ١٣٨٨ لە سەفەری حەج لە عەرەبوستانی سعودی بێ سەروشوێن بوو كە دوای ١٣ مانگ و ساڵی ١٣٨٩ لە ئەمریكا پەیوەندی بە دەفتەری بەژەوەندیەكانی كۆماری ئیسلامیەوە  گرت و گەڕایەوە بۆ ئێران و وەك قارەمانێكی ئەتۆمی پێشوازی لێكرا. دواتر لە لایەن كۆماری ئیسلامیەوە بە تۆمەتی سیخوری دەستگیر و دوای ٢٠ مانگ دەستبەسەربوون لە لایەن دادگای باڵای كۆماری ئیسلامیەوە حوكمی ١٠ ساڵ زیندان و ٥ ساڵ دوورخستنەوەی بۆ بڕایەوە و سەرئەنجام ١٣ گەلاوێژی ئەمساڵ لە زیندانەكانی كۆماری ئیسلامی لە سێدارە درا.
هیچ بەمانەوە رانەوەستاوە و ئێستاكەش زیندانیەكی سیاسی كوردی بە ناوی محەمەد عەبدوڵڵاهی كە سزای ئێعدامی بەسەر دا سەپاوە بە مەبەستی جێ بە جێ كردنی حوكمەكەی رۆژی دوشەممە ڕێكەوتی ١٨ی گەلاوێژ لە بەندی زیندان بۆ ژووری تاكە كەسی گواستەوە..
جێگای ئاماژەیە، محەمەد عەبدوڵڵاهی، ٣٥ ساڵ تەمەن و  خەڵكی شاری بۆكان، ٤ خاكەلێوەی ساڵی ١٣٨٩ لە لایەن هێزەكانی سەر بە ئیتلاعاتی سوپای پاسداران لە باغی شایەگان سەر بە شاری مەهاباد بە برینداری دەستگیر كرا و پاشان لە دادگای ئینقلابی شاری مەهاباد بە تۆمەتی محاربە و هاوكاری لە گەڵ یەكێك لە حیزبە كوردیەكان "كۆمەڵە" بە ئیعدام مەحكوم كرا كە ١٤ خاكەلێوەی ١٣٩٣ بە شێوەی فەرمی حوكمەكەی پێ راگەیەندرا و دواتر لە لایەن دادگای دیوانی باڵای وڵات حوكمەكەی پشت راست كرایەوە.
سەر لە بەیانی رۆژی  سێ شەممە، ١٩ گەلاوێژ، محەمەد عەبدوڵڵاهی زیندانی سیاسی كوردی مەحكوم بە ئیعدام كە رۆژی رابردوو بە مەبەستی جێ بە جێ كردنی حوكمەكەی بۆ ژوورە تاكەكەسیەكان گواسترایەوە لە زیندانی ناوەندی شاری ورمێ لەسێدارە درا.
ئیعدامی ئەم زیندانیە سیاسیە  كوردە لە حاڵێكدا بوو كە ناوبراو جۆزەردانی ئەمساڵ لە نارەزایەتی بە حوكمەكەی دەستی دابووە مانگرتن لە خواردن كە دوای بەڵێنی بەرپرسان بۆ بەدواداچوون بە دۆسیەكەی كۆتایی بە مانگرتنەكەی هێنا.
سەرەڕای ئەوەی ئەو بەندكراوە سیاسیە لە دار دراوە بەڵام هێشتاكە تەرمەكەی ڕادەستی بنەماڵەكەی نەكراوە هەڕەشەی ئەویان لێكراوە كە بۆیان نیە هیچ جۆرە رێورەسمێكی بۆ بەرێوە ببەن. تەنیا چەنن كاتژمێر دوای حوكمی ئێعدامی ئەو زیندانیە سیاسیە، بەختیار مێعماری زیندانی سیاسی كوردی خەڵكی شاری مەریوان كە پێشتر دەستبەسەر كراوە و بەتۆمەتی هاوكاری لەگەڵ كۆمەڵە ئێعدامی بۆ بڕاوەتەوە، بە شێوەیەكی گوماناوی بانگهێشتی دەفتەری حیفازەتی زیندان كراوە و هەڕەشەی ئەوەی لێكراوە كە یان دەبێت هاوكاری هێزەكانی نێو زیندان بكات و لە ئەگەری خۆ بۆاردن لەو بڕیارە، حوكمی ئێعدامەكەی دەچێتە بواری جێبەجێ كردنەوە.
لە ماوەی یەك هەفتە زیاتر لە 30 بەندكراو لە زیندانە جۆراوجۆرەكانی كۆماری ئێسلامی لە سێدارە دران، ئەمە لە كاتێكدا بوو كە هەموو رێكخراوەكانی مافی مرۆڤ لە ناوخۆ و لە دەرەوەی ئێران هۆشداری راگرتنی ئێعدامەكانی كردبوو، بەڵام كۆماری ئیسلامی بە بێ لە بەرچاو گرتنی هیچ یاسایك و هیچ پێوەرێكی ئیخلاقی دەستی داوەتەوە كۆشتار و ئێعدامی بە كۆمەڵی شارۆمەندان و ترسی خستوەتە دڵی هەموو بنەماڵەی زیندانیانی سیاسی دیكە كە رۆڵەكانیان لە زیندانن و حوكمی ئێعدامیان بەسەر داسەپاوە.
كوشتاری بەكۆمەڵی زیندانیانی سیاسی بە حوكمی راستەوخۆی خامەنەیی، لە راستیدا دەرخەری ئاخرین پلەقاژەكانی كۆماری رەشی سێدارەیە، دەیهەوێت بەو كردوە هێژمونی خۆی سەد ئەوەندە بەسەر خەڵك بە تایبەتی خەڵكی كورد و ئازادی خواز بسەپێنیت.


AM:09:35:11/08/2016




ئه‌م بابه‌ته 324 جار خوێنراوه‌ته‌وه‌‌