ئێران چالاكیی سیاسی و فەرهەنگیی لە كوردەكان زەوت دەكات

ڕاپۆڕتی نوێی ڕێكخراوی چاوەدێریی مافی مرۆڤ لەبارەی ئێرانەوە، دەرخەری پێشلكرانی مافی مرۆڤ لەلایەن هێزە ئیتلاعاتی و ئەمنییەكانە لە كوردستانی رۆژهەڵات.
 
ئاسۆی رۆژهەڵات: بە پێی هەواڵەكان، بەپێی نوێترین راپۆرتی ڕێكخراوی چاوەدێریی مافی مرۆڤ كە رێكخراوێكی ناحكوومیە و لە ئەمەریكایە، بەرپرسانی حكوومەتی لە ئێران بە سەركوتی ئازادیی ڕادەربڕین و ناڕەزایەتی دەڕبڕینەكان تاوانبار كراون، هێزە ئیتلاعاتی، ئەمنیی و قەزاییەكان، بەپێی ڕاپۆڕتی ساڵی 2015ی ڕێكخراوی چاوەدێریی مافی مرۆڤ، ئەنجامدەری سەرەكیی پێشلكارییەكانی مافی مرۆڤن.
 
ئەو ڕاپۆڕتە جیهانییە ڕۆژی ڕابردوو لە 659 لاپەڕەدا بڵاو كرایەوە و لەمەڕ ئێرانیش ڕادەگەیەنێ: "گرووپە ئتنیكییەكان، چ لە یاسادا و چ لە كردەوەدا بەرەوڕووی هەڵاواردن بوونەتەوە،لە درێژەی ڕاپۆتەكەدا هاتووە كە "پێش بە گرووپە ئتنیكییەكانی وەكوو كورد، بەلووچ و عەرەب بۆ ئەنجامدانی چالاكیی سیاسی و فەرهەنگی دەگیردرێت و دەیان كەس لە چالاكوانانی سیاسی و داكۆكیكاری مافی مرۆڤ، بە هۆی چالاكیی ئاشتیخوازانە، یان تایبەت بە پیشەكەیان لە دەستبەسەری ‏دان.

ڕاپۆڕتی ساڵانەی ئەو ڕێكخراوە دەنووسێ كە؛ بەكارهێنەرانی تۆڕە كۆمەڵایەتییەكان، هونەرمەندان و ڕۆژنامەنووسان، لەلایەن بەرپرسانی حكوومەتی ئێرانەوە تووشی سزای توند دەبن و ڕێژەی لەسێدارەدانەكان بە بەراورد لەگەڵ ساڵانی ڕابردوو زیادی كردووە، دەزگا ئەمنی و دادوەرییەكانی ئێران، لانیكەم لە ماوەی 10 مناگی ساڵی پێشوودا لانیكەم 830 كەسیان لە زیندانەكاندا لەسێدارە داوە.

سارا لی ویتسوون، بەڕێوەبەری بەشی ڕۆژهەڵاتی ناڤین لە ڕێكخراوی چاوەدێریی مافی مرۆڤ، گوتوویەتی كە؛ "هێزە ئەمنییەكانغ عإقشی لە ماوەی ئەم ساڵانەدا، بە پارێزراویی تەواوەوە خەریكی سەركوتی ئازادییە بنەڕەتییەكان و ئازار و ئەزیەتی خەڵكیی بوون، سەبارەت بە ژنانیش دەنووسێ: "ژنان لە زۆر لایەنی ژیانەوە كە پەیوەندیی بە باری كەسیەتییەوە هەیە، وەكوو هاوسەرگیری، تەڵاق و میرات، بەرەوڕووی هەڵاواردن بوونەتەوە
 
شەپۆلی گەورەی پەناخوازان و لێكەوتەكانی، یەكێك لە بابەتەكانی ڕاپۆڕتی 26ی ڕێكخراوی چاوەدێریی مافی مرۆڤە كە ڕایدەگەیەنێ: "ترس و دڵەڕاوكێ لە هێرشی تیرۆریستی و زۆربوونی پەنابەران، بووەتە هۆی پاشەكشەی مافی مرۆڤ لە ئپورووپا و ناوچەكانی دیكەی جیهان.

ڕێكخراوی ناحكوومیی چاوەدێریی مافی مرۆڤ، یەكێك لە ناسراوترین ڕێكخراوەكانی مافی مرۆڤە لە جیهاندا و وەك ڕكەبەرێك بۆ ڕێكخراوی لێبووردنی نێونەتەوەیی هەژمار دەكرێت.


AM:11:22:31/01/2016




ئه‌م بابه‌ته 211 جار خوێنراوه‌ته‌وه‌‌