راگەیاندنی کۆمەڵە بە بۆنەی رۆژی ئاڵای کوردستان

بنەماڵەی سەر بەرزی  شەھیدان
بنەماڵەی  زیندانیانی سیاسی
بنەماڵەی پێشمەرگە دیرینەکان 
کۆمەڵانی خەڵکی ئازادیخوازی کوردستان

ئەمرو رۆژی ئاڵای کوردستانە، ئەم رۆژە بۆ گەڵی کورد لە رۆژھەڵاتی ناوەراستدا بویە پیروزە کە ئەم ئاڵایە لە لایەکەوە شاھێدێکی بی زمانی جینایەت وکاولکاری بێ بەزەییانەی دۆژمنانی ئازادی و گەلی کوردە کە بە سەر خەڵک و وڵاتەکەماندا ھیناویانە و لە لایەکی دیکەوە سەمبولی قوربانی و بەرخودان وفیداکاری میللەتێکە کە بە درێژایی مێژوو بۆ رزگاری وئازادی تێکوشاوە.

بە تایبەت رۆژی ئاڵای کوردستان بو رۆژھەڵاتی کوردستان پیروزترە چونکا ھەفتا ساڵ پێش ئێستا بو یەکەم جار ئەم ئاڵایە لە کۆماری کوردستان لە مەھاباد بەرز کرایەوە. لە لایەن کومیتەی ناوەندیی و ھەموو کادر وپێشمەرگەکانی کۆمەڵە رۆژی ئاڵای کوردستانتان لێ پیرۆز دەکەین و بەو ھیوایەی کە رۆژێک کە زۆر دور نەبی ئاڵای کوردستانیش لە ناو ئاڵای نەتەوە سەربەخۆکانی دونیادا لە رێکخراوەی نەتەوە یەکگرتووەکان بەرز بکەینەوە.

سەربەرزی بو ئاڵای کوردستان و سەر شوری بو دوژمنانی گەلی کورد
سکرتاریتی کومەڵەی شورشگیری زەحمەت کێشانی کوردستانی ئێران
رێکەوتی ١٧ی دیسامبر واتە ٢٦ی سەرماوەز


PM:02:15:18/12/2015




ئه‌م بابه‌ته 1487 جار خوێنراوه‌ته‌وه‌‌


زۆرترین خوێنراو‌