ڕاپۆرتی حەفتانەی ئاسۆی ڕۆژهەڵات سەبارەت بە: مافی مرۆڤ لە کوردستانی ڕۆژهەڵات

ڕاپۆرتی حەفتانەی ئاسۆی ڕۆژهەڵات سەبارەت بە:
مافی مرۆڤ لە کوردستانی ڕۆژهەڵات


ئا/ڕۆژین کەرەموەیسە

کۆماری ئیسلامی بە پێی ئەوەی ئەندامی ڕێکخراوە نەتەوەیەکگرتووەکانە بەڵام ڕۆژانە شایەتی پێشێل کردنی مافی مرۆڤ بە شێوازگەلی جۆراوجۆر وەکوو ئێعدام، دەستبەسەر کردنی چالاکانی مەدەنی و تۆڕەکۆمەڵایەتییەکان و حوکمی زیندانی درێژماوە بۆ چالاکانی سیاسی و عەقیدەتی و کوشتنی کاسبکارانی سەرسنوور و ... هتد لە لایەن سیستەمی حکوومەتی کۆماری ئیسلامی هەین.

ئاماری بەشێک لە پێشێل کردنی مافی مرۆڤ لە ماوەی حەفتەی ڕابردوودا:

١_ئاماری دەستبەسەرکردن و زیندانی کردن:

لە ماوەی حەفتەی ڕابردوودا ١٣ کەس لە شارۆمەندانی کورد لە شارەکانی سنە، مەریوان، ورمێ، پیرانشار، ئیلام و کامیاران بە تاوانی سیاسی و چالاکی مەدەنی و چالاکی تۆڕەکۆمەڵایەتییەکان و هتد دەستبەسەرکراون. بەم شێوەی خوارەوە

١_پشتیوان پەرتۆ خەڵکی مەریوان (نێ)

تاوان: ناڕوون ٠٣/٠٧/١٣٩٩ 24/09/2020

٢_ئەمین عەلیزادە خەڵکی ئیلام (ئابدانان)

تاوان:دەروێش گۆنابادی (پەروەندەی پێشتر بەشداری لە خۆپێشاندان) ١٣/٠٧/١٣٩٩ 04/10/2020

٣_تەقی مورادی خەڵکی ئیلام (ئابدانان)

تاوان: دەروێش گۆنابادی (پەروەندەی پێشتر بەشداری لە خۆپێشاندان) ١٣/٠٧/١٣٩٩ 04/10/2020

٤_شەهریار پوورعەلی خەڵکی ورمێ (دیرج مەرگۆڕ)

تاوان: ناڕوون -ڕێکەوت ناڕوون

٥_فەرهاد تاریمورادی خەڵکی سنە

تاوان: بەشداری لە خۆێشاندان بۆ جێبەجێ کردنی حوکمەکەی ١٠/٠٧/١٣٩٩ 01/10/2020

٦_میلاد وەیسی خەڵکی سنە

تاوان: هاوکاری لەگەڵ یەکێک لە حیزبە کوردییەکانی دژبەری کۆماری ئیسلامی ٠٩/٠٧/١٣٩٩ 30/09/2020

٧_ڕۆستەم ئیبراهیمی خەڵکی کامیاران (تەختە زەنگی)

تاوان: ئەندام بوون و هاوکاری لەگەل یەکێک لە حیزبە کوردیەکانی دژبەری کۆماری ئیسلامی ڕێکەوت ناڕوون

٨_خەدیجە مێهدیپوور خەڵکی ئیلام

تاوان: چالاکی لە تۆڕەکۆمەڵایەتیەکان بۆ پشتیوانی لە بزووتنەوەی کرێکاران ١٤/٠٧/١٣٩٩ 05/10/2020

٩_ڕەسوول حەمزەپوور خەڵکی پیرانشار

تاوان: ناڕوون ١٣/٠٧/١٣٩٩ 04/10/2020

١٠_ئەندیشە سەدری خەڵکی سنە

تاوان: ناڕوون ١٥/٠٧/١٣٩٩ 06/10/2020

١١-ندا پیرخزریان خەڵکی سنە

تاوان: ناڕوون ١٥/٠٧/١٣٩٩ 06/10/2020

12 بەهرام قاسمی خەڵکی سنە(مێراو)

تاوان: هاوکاری لەگەڵ یەکێک لە حیزبە کوردییەکانی دژبەری کۆماری ئیسلامی ١٣/٠٧/١٣٩٩ 04/10/2020

13- کەیهان شیرینی خەڵکی سنە (مێراو)

تاوان: هاوکاری لەگەڵ یەکێک لە حیزبە کوردییەکانی دژبەری کۆماری ئیسلامی ١٣/٠٧/١٣٩٩ 04/10/2020

٢_کاسبکارانی سەر سنوور:

لە ماوەی ڕۆژانی ڕابردوودا "مێهدی زارێعی" خەڵکی شاری سەردەشت،ڕێکەوتی ١٣/٠٧/١٣٩٩ هەتاوی بەرامبەر بە 04/10/2020 زایینی، لە ناوچە سنوورییەکانی شاری بانە لە کاتی کۆڵبەریدا بە تەقەی ڕاستەوخۆی هێزە چەکدارەکانی کۆماری ئیسلامی کوژرا.

٣_ مانگرتن:

"عادڵ مۆکەڕەم" خەڵکی شاری ورمێ، زیندانی سیاسی زیندانی ناوەندی ورمێ بە مەبەستی دەڕبڕینی ناڕەزایەتی سەبارەت بە ناڕوونی چارەنووسی دوای ١٠مانگ زیندان و "حەسەن رەستگاری مەجد" لە زیندانی ورمێ بە مەبەستی دەربڕینی ناڕەزایەتی سەبارەرت بە نادیار بوونی بارۆدۆخی ناسنامەکەی لە ئێران، مانیان لە خواردن گرت.

٤_ حوکمی نامرۆڤانە دژ بە جاڕنامەی مافی مرۆڤ :

لە ماوەی ڕۆژانی ڕابردوودا ٣ حوکمی بڕینی دەست و پەنجە پەسەند کراوە، بڕیاری حوکمی بڕینەوەی چوار پەنجەی "ئارەش عەلی ئەکبەری" خەڵکی شاری ورمێ، بە تاوانی دزی لە لایەن لقی دووی دادگای کەیفەری یەکی ورمێ پەسەند کرا و هەروەها حوکمی بڕینەوەی دەستی ڕاستی "مێهرداد تەیمووری" و "شەهاب تەیمووری" خەڵکی شاری سەرپێل زەهاو و دانیشتووی شاری کەرەج بە تاوانی دزی لە لایەن لقی یەکی دادگای تاوان بۆ گەنجان پەسەند کرا.

٥_کوشتن و خۆکوژی:

"حەیات ئەمینی" ڕێکەوتی ١٥/٠٧/١٣٩٩ی هەتاوی بەرامبەر لە گەڵ 06/10/2020ی زایینی، لە ورمێ لە لایەن هاوسەرەکەیەو کوژرا و بووە قوربانی سیستەمی پیاوسالارانەی کۆماری ئیسلامی ئێران.


ئه‌م بابه‌ته 116 جار خوێنراوه‌ته‌وه‌‌


PM:02:17:10/10/2020