ڕاپۆڕتی حەفتانەی ئاسۆی ڕۆژهەڵات سەبارەت بە دۆسیەی کرێکاران

ڕاپۆڕتی حەفتانەی ئاسۆی ڕۆژهەڵات سەبارەت بە دۆسیەی کرێکاران


ئا/ مەتین قوربانی

ئاسۆی ڕۆژهەڵات لە ڕاپۆڕتێکی حەفتانەدا لە ڕێکەوتی ١٠ی ڕەزبەری ١٣٩٩ی هەتاوی تاوەکوو ١٧ی ڕەزبەری ١٣٩٩، باس لە کێشەکان، دابین نەکردنی مافە سەرەتایەکان لە لایەن دامودەزگا حکوومەتیەکان و مافە پێشێل کراوەکانی کرێکاران لە کوردستانی ڕۆژهەڵات دەکات.

کۆی گشتی بابەتەکان سەبارەت بە کرێکارن ١١ حاڵەتە:

١_ گیان لە دەستدانی کرێکاران( شوێنی کار)

گیان لەدەست دانی ٦ کرێکار لە کاتی کار دا به هۆی ڕووداوی کاریەوە و نەبوونی ئیمەنی شوێنی کار بریتین لەم کەسانە؛

"کەماڵ موستەفایی خەڵکی شاری ئیلام، ئیبراهیم چووپانی خەڵکی شاری سەردەشت، شاخەوان فەتاحی خەڵکی شاری پاوە، تاهێر رەزایی خەڵکی سەرپێڵی زەهاب و محەممەد ئەمینیی خەڵکی شاری سەقز. "

٢_بریندار بوون:

بریندار بوونی ٣ کرێکار بە هۆی بەربوونەوە لە بەرزایەوە لە کاتی کاردا لە شارەکانی سنە، مریوان سەوڵاوا.

٣_ناڕەزایەتی دەربڕێنی کرێکارن:

ناڕەزایەتی دەربڕینی کرێکارانی کارگەی قەندی شاری مهاباد بە هۆی نەدانی مووچە و دەرکردنی کرێکاران لەو پیشەسازیە.

ناڕەزایەتی دەربڕینی کرێکارانی فەزای سەوزی شاری سنە بە هۆی نەدانی ٤ مانگ مووچە لە لایەن شارەداری ئەم شارەوە ناڕەزایەتی خۆیان دەربڕی.

٤_گرتن و دستبەسەرکردن:

چالاکێکی کرێکاری بەناوی "کامران ساختمانگەر" لە شاری سنە لە لایەن دەزگای دادی ئەم شارەوە ماوی 6 ساڵ زیندانی بەسەردا داسەپا.

هەواڵنێری ئیلنا دەڵێت: "مووچەی کەمی کرێکارانی ئێران تەنیا ٣٥٪ پێداویستیکانی ژیانی پێ دابین دەکرێت و هەروەها "٧٠٪ کرێکارانی ئێران مووچەکەیان ٢ میلیون و ٦١١ هەزار تمەنە، ئەم ئەژمارە بەشێکی بچووک لە بژێوی ژیانی بنەماڵەیەکی ٣ کەسی پێ دابین دەکرێت. "

بە لەبەر چاوگرتنی سیاسەتە دژە کرێکارییەکانی کۆماری ئیسلامی سەبارت بە مافە سەرەتاییەکانی کرێکاران لە کۆمەڵگای ئێران و بە تایبەت کوردستانی ڕۆژهەڵات وای کردوە کە کرێکاران لە باروودۆخیکی نالەباری ئابووریدان و بەهۆی ئەمەوە ڕۆژانە شایەتی دەیان ڕووداوی ئاوا دەبین.


ئه‌م بابه‌ته 104 جار خوێنراوه‌ته‌وه‌‌


PM:01:52:10/10/2020