بە بۆنەی ٢٦ی ڕێبەندان ڕۆژی کۆمەڵە و یادی ٥٠ ساڵەی دامەزراندنی کۆمەلە لە بارەگای ناوەندیی کۆمەڵە ڕێوڕەسمێکی بەشکۆ بەڕێوەچوو + وێنە

بە بۆنەی ٢٦ی ڕێبەندان ڕۆژی کۆمەڵە  و یادی ٥٠ ساڵەی دامەزراندنی کۆمەلە لە بارەگای ناوەندیی کۆمەڵە ڕێوڕەسمێکی بەشکۆ بەڕێوەچوو 
+ وێنە
 ئاسۆی ڕۆژهەڵات: ڕۆژی هەینی ١٤ی فێبریواری بەرابەر بە ٢٥ی ڕێبەندانی ١٣٩٨ی هەتاویی، ڕێوڕەسمێکی شکۆدار لە بارەگای ناوەندیی کۆمەڵە، بە بەشداری ژمارەیەک لە نوێنەری حیزب و ڕێکخراوەکان و چالاکانی سیاسی چوارپارچەی کوردستان و هەر وەها لە کادر و پێشمەرگە و  ئەندامانی سەرکردایەتی و لایانگرانی کۆمەڵە  بە بۆنەی ٢٦ی رێبەندان ساڵیادی ئاشکرابوونی خەباتی نهێنی کۆمەڵە و  بۆ رێز گرتن لە یادی ٥٠ سالەی ئەم حیزبە  لە بارەگای ناوەندی کۆمەڵە بەڕێوەچوو.

سەرەتای ڕێوڕەسمەکە بە خوێندنەوەی شیعری "سوورە سوار" لە لایەن پێشکەشکاری ڕێوڕەسمەکە (هاورێ سۆران ئازەربار) و سروودی بانگەواز، سروودی ڕەسمی کۆمەڵە دەستی پێکرد.

پاشان بۆ ڕێزگرتن لە یادی ئازیزی هاوڕێی ڕابەر و دامەزرێنەر کاک حەمەحسێن‌ کەریمی و سەرجەم گیانبەختکردووانی کۆمەڵە و بزووتنەوەی شۆڕشگێرانەی خەڵکی کوردستان چەند ساتێک بێ‌دەنگی ڕاگیرا.
دواتر پەیامی کومیتەی ناوەندیی کۆمەڵە بە بۆنەی ٢٦ی رێبەندان لە لایەن هاورێ کاکۆ عەلیار (ئەندامی کومیتەی ناوەندیی کۆمەڵە) پێشکەش بە بەشداربووانی ڕێوڕەسمەکە کرا، لە بەشێک لە پەیامی کومیتەی ناوەندیی کۆمەڵە کە لە لایەن هاوڕێ کاکۆ  عەلیار خوێنرایەوە ئاماژە بە ڕۆڵ و گرنگی  کۆمەڵە لە بزووتنەوەی کوردستانی ڕۆژهەڵات و ئەرک و بەرنامەکانی ئەم حیزبە لە سەردەمی ئیستا بۆ داڕشتنی پلان و سیاسەتی درووست بۆ داهاوتوو و لە ئەگەری  ڕوودانی هەر گۆڕانکارییەکی لە داهاتودا ئاماژە پێکرا کە دواتر دەقی تەواوی ئەم پەیامە لە میدیاکانی کۆمەڵەوە بڵاو دەکەینەوە.

بە بۆنەی ٢٦ی ڕێبەندان لە لایەن هەندێک لە حیزب و ڕێکخراوە سیاسییەکان و چالاکانی سیاسی چوارپارچەی کوردستانەوە کۆمەڵەیك پەیام و برووسکە هاتبوو کە بەهۆی نەبوونی کات ئاماژە بە نێوەکانیان کرا و بۆ برووسکە و چەپکە گۆلەکانیان سپاسیان کرا.
 کە بریتی بوون لە:
حیزبی دیموکراتی کوردستانی ئێران
حیزبی دیموکراتی کوردستان
پارتی دێموکراتی کوردستان_لێژنەی ناحیەی قەرەداغ
پارتی دێموکراتی گەلان (HDP پەیوەندییەکانی هەولێر) 
مەکتەبی سیاسی بزووتنەوەی دیموکراتی گەلی کوردستان (هەولێر)
مەکتەبی سیاسی پارتی کۆماری کوردستان (باشوور)
پارتی سۆسیالیستی کوردستان "psk"  (باکوور پەیوەندییەکانی هەولێر)
بزووتنەوەی کۆماری خوازانی ڕۆژهەڵاتی کوردستان
مەکتەبی سیاسی بزووتنەوەی ڕزگاری دیموکراتی کوردستان
مەکتەبی رەوتی ئازادی کوردستان_ڕۆژئاوا
مەکتەبی پارتی دێموکراتی کورد لە سوریە (الپارتی)
پارتی یەکیەتی کوردستان_ڕۆژئاوا نوێنەرایەتی هەولێر
مەکتەبی سیاسی حیزبی زەحمەتکێشانی کورستان
یەکێتی دیموکراتی کوردستان
سازمانی خەباتی کوردستانی ئێران
پارتی یەکیەتی دیموکرات (پەیەدە)
مەکتەبی سیاسی پارتی سەوزی کوردستان
بەڕێز عەلی پێشەوا قازی مەحەممەد
بەڕێز سکرتێڕی دەستەی سەرۆکایەتی حیزبی ڕزگاری کوردستان
بەڕێز نەرمین عوسمان 
بەڕێز ئەمەل جەلال ژنە تێکۆشەری هەرێنی کوردستان
بەڕێز عیدۆ باباشێخ، ڕاوێژکاری پێشووێ سەرۆ کۆماری عێراق بۆ کاروباری ئیزەدییان.
بەڕێز مستەفا ئوزچلیک، سکرتێری گشتیی پارتی ئازادی (باکوور)
بەڕێز کاک سوڵتان خوسرەوی، فەرماندە و کادری دێرینی کۆمەڵە
بەڕێز سەرۆ قادر، سەرۆکی ئەنستیتۆی توێژینەوەی گەشەپێدان
بەڕێز سەرۆ قادر، سەرۆکی ئەنستیتۆی توێژینەوەی گەشەپێدان
بەڕێز فادی مەرائی سکرتێری ڕەوتی پاشەڕۆژی کورد لە سوریە


لە درێژەی ڕێوڕەسمەکەدا ڕاپۆرتێکی ئامادە کراو لە لایەن هاوڕێ دڵنیا ڕەحیم زادە سەبارەت بە مێژووی  ٥٠ ساڵەی خەبات و تێکۆشان و گیانبازی کۆمەڵە پێشکەش بە بەشداربووان کرا.
لە کۆتایی بەشی یەکەمی ڕێورەسمەکە گۆرانییەکی شۆڕشگێرانە لە لایەن هونەرمەند "لوقمان سەلیم" پێشکەش بە بەشداربووانی ڕێوڕەسمەکە کرا.

هاوکات لەم ڕێوڕەسمەدا پەلێکی دیکە لە کچان و کوڕانی تێکۆشەری کوردستانی ڕۆژهەڵات لە ژێر ناوی پەلی "گیانبەختکردووانی ٢٥ی ڕەشەمەی  شاری "کامیاران" بە شێوەی ڕەسمی بە هێزی پێشمەرگەی کۆمەڵە پەیوەست بوون.

لە بەشی دووهەمی ڕێوڕەسمەکە ژیان نامەی شەهیدانی ٢٥ی ڕەشەمەی کامیاران لە لایەن هاڕێ سۆران ئازەربارەوە خوێندرایەوەو پاشان هاوڕێیانی تازە پەیوەست بوو بە هێزی پێشمەرگەی کۆمەڵە، کارت و چەکی پێشمەرگایەتی کۆمەڵەیان  لە دەستی  (هاوڕێ  مەولوود یوسفی) یەکێک لە بەرپرسانی فێرگەی پێشمەرگایەتی کۆمەڵە وەرگرت.

پاشان ڕێوڕەسمەکە بە پیرۆزبایی لە هاوڕێیانی تازە پەیوەست بوو بە هێزی پێشمەرگەی کۆمەڵە و خۆشی وشادیی بەشداربووانی ڕێوڕەسمەکە کۆتایی پێهات.

ئه‌م بابه‌ته 234 جار خوێنراوه‌ته‌وه‌‌


PM:07:13:14/02/2020