پەنابەرێکی کورد لە وڵاتی تورکیە ژنەکەی خۆی کوشت

پەنابەرێکی کورد لە وڵاتی تورکیە ژنەکەی خۆی کوشت
بەپێی هەواڵەکان، لەماوەی چەند ڕۆژی ڕابردوودا پەنابەرێکی کوردی خەڵکی شاری مەهاباد بەناوی "ڕەحمان ئەعزەمی ڕاد" بەهۆی کێشەی کۆمەڵایەتی، ژنەکەی بە چەقۆ کوشت و هەمان ڕۆژ خۆی ڕادەستی پۆلیسی ئیستانبول کرد.

ناسنامەی ژنەکە: موحیبەت مەحموودی، ٢٦ ساڵان و لە دایکبووی شاری مەهابادە، ناوبراو خاوەنی دوو منداڵە و ساڵی ڕابردوو لەگەڵ هاوسەرەکەی وڵاتی ئێرانیان جێ هێشتووە و پەنابەربوون لە وڵاتی تورکیە.

هاوسەری موحیبەت هۆکاری کوشتنی ژنەکەی بۆ پاراستنی نامووس گەڕاندۆتەوە.

جێی ئاماژەیە، موحیبەت یەکەم ژن نییە لە کوردستان دەبێتە قوربانی بیری کۆنەپەرەستانەی پیاوسالاری و لە ژێر پاساوی (پاراستنی نامووس)، دەکوژرێت؛ لە ساڵانی ڕابردوودا و لە سایەی یاسا و ڕێساکانی کۆماری ئیسلامی، دەیان و سەدان ژنی وەک موحیبەت بوونی قوربانی ئەم کلتوورە.


ئه‌م بابه‌ته 116 جار خوێنراوه‌ته‌وه‌‌


PM:05:32:01/10/2019