ئەگەری گەمارۆ خستنە سەر ئێران لە لایەن بریتانیاوە هەیە

ئەگەری گەمارۆ خستنە سەر ئێران لە لایەن بریتانیاوە هەیە
بە پێی ڕۆژنامەی "دێلی تێلێگراف"، دەوڵەتی بریتانیا بە دوای ئەوەی کە نەوتهەڵگرێکی بریتانیایی لە لایەن ئێرانەوە دڕاگیرا، هەوڵی ئەنجامدانی کاری دیپلۆماتیک و ئابووری دژ بە کۆماری ئیسلامی هەیە.
بە پێی ڕاپۆرتی دێلێ تێلێگراف وەزیرانی کابینەی بریتانیا بە چەند گەڵاڵەوە بۆ گەمارۆ خستنەسەر ئێران دەیانهەوێت پرچەکردار و وەڵامی شیاو بدەنەوە بە کۆماری ئیسلامی. هەروەها بە پێی هەواڵەکان دەبێ چاوەڕیی ئەوە بکەین کە جێرێمی هانت، وەزیری دەروەی بریتانیا، ڕۆژی یەکشەممە کۆمەڵێک هەوڵی دیپلۆماتیک و ئابووری بە شێوەی فەرمی ڕاگەیەنێت.
بە پێی ئەو ڕاپۆرتی ئەو ڕۆژنامەیە، هۆی ئەوە هەیە کە ئەو گەمارۆیانە سەرچاوە ماڵییەکانی کۆماری ئیسلامی بڵاک بکات.
لە درێژەی ڕاپۆرتەکەدا هاتووە کە هۆی ئەوە هەیە بریتانیا داوا لە ڕێکخراوی نەتەوە یەکگرتووەکان و ئورووپا بکات کە گەمارۆکانی پێش بەرجام بخەنەوە سەر ئیران بۆ جارێکی دیکە.
٢٧ی پووشپەڕ کۆماری ئیسلامی بە شێوەی فەرمی دەستبەسەرداگرتنی نەوتهەڵگرێکی بریتانیایی ڕاگەیاند. میدیا فەرمییەکانی کۆماری ئیسلامی چەند ڤیدیۆیان لەو نەوتهەڵگرە بڵاو کردەوە.
بە دوای ئەوەدا ئەڵڵا عفیفی‌پور، سکرتێری گشتی بەندەر و دریانورانییەکانی ئۆستانی هۆرمزگان، لەو پەیوەندییەدا وتی کە هۆکاری دەستبەسەرداگرتنی ئەو نەوتهەڵگرە "خۆپێکدادان" لەگەڵ قایەقێکی ئێرانی و "گرینگی‌نەدان" بە پەیامی بەلەمە ئێرانیان بووە و ئەو نەوتهەڵگرە هەنووکە لە بەندەر عباس ڕاگیراوە.
بەدوای ئەو ڕووداوەدا دەوڵەتی بریتانیا دانیشتنێکی خێرای بەڕێوەبرد. وەزیری دەرەوەی بریتانیا، جێرێمی هانت، پاش ئەو دانیشتنە لە ماڵپەڕی تاکەکەسی خۆیدا لە تویتەر نووسی ڕایگەیاند کە ئەو کومیتە بە ئامانجی کەم کردنەوەی گرژییەکان لە نێوان ئێران و بریتانیا جەختی کردووە، بەڵام نەوتهەڵگری ئێستێنا ئیمپرۆ لە ئاوەکانی عومان و بە پێشێل کردنی یاسای نێونەتەوەیی دەستی بەسەردا گیراوە.
بەرپرسانی باڵای فەڕانسە و ئاڵمان ە چەند وڵاتی دیکەی ئورووپایی لەم پەیوەندییەدا "نیگەرانی" خۆیان دەربڕیوە.
هەروەها فێدێریکا موگرینی، بەرپرسی سیاسەتی دەرەوەی یەکێتی ئورووپا لەم پەیوەندییەدا داوای کرد کە ئەو نەتهەڵگرە بە زووترین کات ئازاد بکرێت.
ئەمریکا لە هەوڵی کۆکردنەوەی کۆدەنگییەکی جیهانییە دژی کۆماری ئیسلامی و پێ دەچێت ئەم کردەوە شەڕەنگێزانەی ئێران بوار بۆ ئەم کۆدەنگییە جیهانییە خۆش بێت.

ئه‌م بابه‌ته 117 جار خوێنراوه‌ته‌وه‌‌


PM:02:27:21/07/2019