پێم مەڵێ

پێم مەڵێ

ن: مەحموود دەروێش
و: مستەفا زاهیدی


پێم مەڵێ
!

خۆزگە رۆژنامە فرۆشێ دەبووم

لە ئەلجەزایر

سروودی شۆڕشگێڕانەم بۆ دەوتن

پێم مەڵێ

خۆزگە!

گاوانێک بام لە یەمەن

هەتا بۆ شۆرشگێڕەکانی سەردەم

گۆرانی بڵێم

پێم مەڵێ

خۆزگە !

گارسۆنێک دەبووم لە هاڤانا

بۆ ئەوەی سەرکەوتنی خەمەکانم

بسترێنم

پێم مەڵێ

خۆزگە!

کۆڵبەرێکی بچووک دەبووم لە ئەسوان

بۆوەی گۆرانی بۆ بەردەکان بڵێم

هاوڕێم!

نیل ناڕژێتە ڤۆلگا

نە کۆنگۆ و نە ئۆردۆن

ناگەنە فورات

هەر رووبارێک

سەرچاوەیەکی هەیە

باریکە ئاوێ...

ژیانێ...

هاوڕێم!

وڵاتی ئێمە ویشکڕۆ نیە

هەروڵاتێک

رۆژی لە دایکبوونێکی هەیە

هەر خۆرهەڵاتنێک

ژوانێکە لە گەڵ شۆڕشگێڕێکدا...



ئه‌م بابه‌ته 560 جار خوێنراوه‌ته‌وه‌‌


PM:10:41:22/05/2019