کۆبوونەوەیەکی ناڕەزایەتی بە کوشتنی ژنان لە گۆڕستانی مستەفا لە مەریوان بەڕێوەچوو

کۆبوونەوەیەکی ناڕەزایەتی بە کوشتنی ژنان لە گۆڕستانی مستەفا لە مەریوان بەڕێوەچوو

لە سەر بانگەوازی ژمارەیەک لە چالاکانی مەدەنی و کۆمەڵایەتی شاری مەریوان و دوا بە دوای ئەوەی ژمارەیەک لە ژنان لە شارەکانی مەریوان و سنە و ئیلام و پاوەو،،، بە دەستی مێرد و برا و باوک و کەسانی نزیکیان کوژران، رۆژی پێنج شەممە بڕیار درا کۆبوونەوەیەکی ناڕەزایەتی لە گۆڕستانی کۆڵان بەڕێوە بچێت.

مەبەست لە بەڕێوەچوونی ئەم کۆبوونەوە ناڕەزایەتییە لە گۆڕستانی کۆڵان، مەحکووم کردنی دیاردەی کوشتنی ژنان بوو بە هەر بیانوویەکەوە بێت لە کوردستان.

دوا بە دوای ئەوەی چەند رۆژ لەوە پێش تەرمی کچێکی ٢٣ ساڵە بە ناوی نەرمین وەتەن خواە دۆزرایەوەو لە گۆڕستانی کۆندی کۆڵان نێژرا. چالاکانی مەدەنی و کۆمەڵایەتی مەریوان بڕیاریاندا لەم گۆڕستانە و لە سەر گۆڕی نەرمین کۆببنەوەو دژ بە دیاردەی ناشارستانی و کۆنەپەرەستانەی کوشتنی ژنان بوەستنەوە. بەڵام لە لایەن ناوەندە ئەمنییەتییەکانەوە بەر بەوە گیرا ژنان و چالاکانی مەدەنی مەریوان لەم گۆڕستانە کۆ ببنەوەو بڵاوە بە کۆبوونەوەی ناڕەزایەتی خەڵکی مەریوان کرا.

چالاکانی مەدەنی و ئازادیخوازانی مەریوان ، لە گۆڕستانی مستەفا کۆبوونەوە ناڕەزایەتییەکەیان بەڕێوە برد و سەرەڕای گوشار و هەڕەشەی هێزە ئەمنییەتی و ئینتزامییەکان سوور بوون لەسەر ئەوەی کە دروشمی رەوای خۆیان بە گوێی کۆمەڵگادا بدەن.

بە پێی زانیارییەکانی ئاسۆی رۆژ ، لە کۆبوونەوەی ئەمڕۆی چالاکانی مەریوان لەسەر مستەفا، ژمارەیەک لە چالاکانی مەدەنی و کۆمەڵایەتی مەریوان دەستگیر کراون کە ناسنامەی چەند کەسیان بۆ ئاسۆی رۆژ ئاشکرا بووە کە بریتین لە :

دیمەن فەتحی

حەمەی دانش

سومەییە رووزبە

هێمن کانی سانانی

موژدە مەردووخی

حەمید قوبادی
کەویار خیشکار

لەم کۆبوونەوە ناڕەزایەتییەدا ژنان و چالاکانی مەدەنی مەریوان دژ بە هەموو ئەو یاساو کەلتوور و داب و نەریتانە وەستانەوە کە ئیزن بەوە دەدات کە پیاوان دەستیان بچێتە خوێنی ژنان و بیانکوژن. چالاکانی مەریوان بە وتنەوەی ئەوەی کە ژن نامووسی کەس نییە، لە کورستانەوە تا تاران، ستەم لە دژی ژنان، هاتەبەکی ژن کوشتن و زۆر دروشمیتر، ناڕەزایەتی خۆیان بەم دیاردە نامرۆڤانە و نائینسانییە دەربڕی.


ئه‌م بابه‌ته 243 جار خوێنراوه‌ته‌وه‌‌


PM:06:11:16/05/2019